މާލޭގައި ހުންނަ ގެއެއްގައި އަލިފާނުގެ ހާދިސާއެއް މިއަދު ހިނގައިފިއެވެ.
އެމްއެންޑީއެފް އިން ބުނީ ރެޑްވޭވް ޕްލާޒާ (ޝޭޑީ ކެބިން) ކައިރީގައި ހުންނަ މއ. ފޮގެޓްމީނޮޓް ގޭގައި ރޯވި ކަމުގެ މައުލޫމާތު ލިބިފައި ވަނީ މިއަދު 11:40 ހާއިރު ކަމަށެވެ. އަދި އެމްއެންޑީއެފް އިން ކުރި މަސައްކަތުން މިހާރު އަލިފާންގަނޑު ކޮންޓްރޯލްކޮށްފައިވާ ކަމަށް އެމްއެންޑީއެފް އިން ބުންޏެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
އެމްއެންޑީއެފް އިން ބުނި ގޮތުގައި އަލިފާން ފުރަތަމަ ރޯވީ އެ ގޭގެ ބަދިގޭގައެވެ. އަދި މިހާތަނަށް އައިއިރު އަލިފާން ރޯވި ސަބަބެއް ދެނެގަނެވިފައި ނުވާ ކަމަށް ވެސް އެމްއެންޑީއެފް އިން ބުންޏެވެ.
