އަންނަ މަހުގެ 17 ވަނަ ދުވަހަށް މިހަރ އޮތް ވެރިކަމުގެ ދައުރު ހަމަވާން ދަނިކޮށް އިތުރު ދެ ޤައުމަކަށް ސަފީރުން އައްޔަން ކުރުމަށް ރައްޔިތުންގެ މަޖިލީހަށް ހުށަހަޅައިފިއެވެ.
އެކުވެރި އަރަބި އިމާރާތަށް ރާއްޖެއިން ކަނޑައަޅުއްވާ ސަފީރު ކަމަށް މއ. ރުއްކުރި، މަރްޔަމް މިދްފާ ނައީމް އަދި ބަންގްލަދޭޝަށް ރާއްޖެއިން ކަނޑައަޅުއްވާ ސަފީރު ކަމަށް ސ. ހުޅުދޫ، އަސަރީގެ، ޝިއުނީން ރަޝީދު އައްޔަންކުރަން ރައީސުލްޖުމްހޫރިއްޔާ ފޮނުއްވެވި މައްސަލަ ދިރާސާކޮށް ގޮތެއް ނިންމުމަށް ރައްޔިތުންގެ މަޖިލީހުގެ މިއަދުގެ ޖަލްސާގައި ވަނީ ހާރިޖީ ގުޅުންތަކުގެ ކޮމިޓީއަށް ފޮނުވާފައެވެ.
އެކުވެރި އަރަބި އިމާރާތަށް ރާއްޖެއިން ކަނޑައަޅުއްވާފަ ހުންނަވާ ސަފީރުކަމުގެ މަގާމުގައި މިހާރު ހުންނެވީ ހ. މިސްޓްރީލޮޖް، އާމިނަތު ޝަބީނާއެވެ. ބަންގްލަދޭޝަށް ރާއްޖެއިން ކަނޑައަޅުއްވާފައިވާ ސަފީރުކަމުގެ މަގާމުގައި މިހާރު ހުންނެވީ ޝިރުޒިމަތު ސަމީރުއެވެ.
މިދެބޭފުޅުން ސަފީރު ކަމަށް އައްޔަން ކުރުމަށް މަޖިލީހަށް ހުށަހަޅަފައިވައިރު އިއްޔެވެސް ވަނީ ދެ ސަީރަކަށް ރުހުން ހޯދުމަށް މަޖިލީހަށް ހުށަހަޅާފައެވެ. އިންތިޚާބީ ރައީސް ޑރ. މުއިއްޒުގެ ތަރުޖަމާން ވަނީ މިކަމުގެ ކަންބޮޑުވުން އިއްޔެވެސް ފާޅުކޮށްފައެވެ. އިންތިޤާލީ މިމަރުހަލާގައި މިފަދަ ކަންކަން ހިނގުމަކީ އެންމެ ރަނގަޅު ގޮތެއް ނޫންކަމަށް ތަރުޖަމާން ފިރުޒުލް ވަނީ ވިދާޅުވެފައެވެ.
One Response
ދެނޮ އޮތް މަސްދުވަހަށް ވެސް ސަފީރުން ލަނީ، މުއިއްޒު އައިމް ތިބެންވާނީ މުއިއްޒު ކަނޑައަޅާ ސަފީރުން