ރައްޔިތުންގެ މަޖިލީހުގެ ރައީސް މުޙައްމަދު ނަޝިދުގެ އިތުބާރު ނެތްކަމުގެ މައްސަލަ އަލުން ހުށައެޅުމަށް ސޮއި ހަމަކޮށްފިއެވެ.
މަޖިލީހުގެ ރައީސްއާއި ނައިބު ރައީސްގެ އިތުބާރު ނެތްކަމަށް އެމްޑީޕީގެ ޕީޖީ ގްރޫޕުން ހުށަހެޅީ 54 މެމްބަރުންގެ ސޮޔާއިއެކުގައެވެ. ނަމަވެސް ރިޔާސީ އިންތިޚާބުގެ ފުރަތަމަ ބުރުގައި ރައީސް ޞަލިޙަށް ލިބިވަޑައިގެންނެވި ދަށް ނަތީޖާއާއެކު، އެމްޑީޕީން ޑިމޮކްރެޓްސްއާއި އެކު ގުޅިގެން މަސައްކަތްކުރުމުގެ ބޭނުމުގައި އެ މައްސަލަތައް އަނބުރާ ނެގިއެވެ. އެ މައްސަލަތައް އަނބުރާ ނެގިނަމަވެސް ޑިމޮކްރެޓޤސްއިން އެމްޑީޕީއަށް ތާޢިދުކޮށްފައެއް ނުވެއެވެ.
ރިޔާސީ އިންތިޚާބުގެ ދެވަނަ ބުރުންވެސް އެމްޑީޕީއަށް ލިބުނު ނާކާމިޔާބީއާއެކު އެޕާޓިން ބޭއްވި ޤައުމީ މަޖިލީހުގެ ޖަލްސާގައިވެސް އެމްޑީޕީގެ ބައެއް މެންބަރުން ވަނީ އަލުން ނަޝިދުގެ އިތުބާރު ނެތްކަމުގެ މައްސަލަ ހުށައެޅުމަށް އެދިވަޑައިގެންފައެވެ.
އެމްޑީޕީގެ ބައެއް މެންބަރުން ވިދާޅުވީ، ރައިސް ނަޝިދުގެ އިތުބާރު ނެތްކަމުގެ މައްސަލަ ހުށައެޅުމުގެ ބޭނުމަކީ، މަޖިލީހުގެ އަޣްލަބިއްޔަތު އެމްޑީޕީއަށްއޮވެ، މަޖިލީހުގެ ރައީސަކަށް ހުންނަވަންޖެހޭނީ އެޕާޓިގެ ބޭފުޅެއްކަމަށްވާތީކަމަށެވެ. އެ މަޤާމަކީ އެޕާޓީއަށް މުހިންމު މަޤާމެއްކަމަށްވެސް އެމްޑީޕީގެ ބައެއް މެންބަރުން ވިދާޅުވިއެވެ.
އެނގިފައިވާގޮތުގައި ރައީސް ނަޝީދުގެ އިތުބާރު ނެތްކަމުގެ މައްސަލަ ހުށައެޅުމަށް ބޭނުންވާ ޢަދަދަށް ސޮއި ވަނީ ހަމަވެފައެވެ.
މ،ޖިލީހުގެ ރައީސް ނުވަތަ ނައިބު ރައީސްގެ މަގާމުގައި ހުންނަވާ ބޭފުޅަކު އެ މަގާމުން ވަކިކުރަން ހުށަހެޅޭނީ ޖުމުލަ މެމްބަރުންގެ ހަތަރުބައިކުޅަ އެއްބަޔަށް ވުރެ މަދު ނޫން އަދަދެއްގެ ސޮޔާއިއެކުއެވެ. އެއީ މިހާރު ތިއްބެވި 87 މެންބަރުންގެ ތެރެއިން 22 މެމްބަރުންގެ ސޮޔެވެ. އެމްޑީޕީގެ 55 މެންބަރުންމ ަޖިލީހުގައި ތިއްބަވައެވެ.
