ކުރިއަށް އޮތް ރިޔާސީ ދައުރުގެ ރައީސުލްހުމްހޫރިއްޔާ ކަމަށް ރައްޔިތުންގެ ސާފު އައުލަބިއްޔަތުން އިންތިޚާބު ކުރައްވާފައިވާ ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުއިއްޒަށް މަރުޚަބާ ދަންނަވަމެވެ.
މުއިއްޒު އިންތިޚާބު ކާމިޔާބު ކާމިޔާބު ކުރެއްވީ މިހާރުގެ ރައީސް އިބްރާހިމް މުހައްމަދު ޞާލިހުގެ މައްޗަށް ކުރި ހޯއްދަވައިގެންނެވެ. އިންތިޚާބުގެ މިހާރުގެ ނަތީޖާ ދައްކާގޮތުން ބާކީ ދެން ހުރި ފޮށިތައް ގުނި ކަމުގައި ވީނަމަވެސް މުއިއްޒުގެ މައްޗަށް ރައީސް ޞާލިހަށް ކުރި ނުހޯދޭނެއެވެ. މިއީ ބޮޑު ކޯލިޝަނަކާއިއެކު ފަސް އަހަރުގެ ވެރިކަމެއް ނިންމި ރައީސް ޞާލިހަށް ލިބުނު ވަރަށް ބޮޑު ނާކާމިޔާބީއެކެވެ.
އިންތިޚާބުގެ ދެވަނަ ބުރުގައި ރައީސް ޞާލިހާއިއެކު އޮތީ އަދާލަތު ޕާޓީއެކަންޏެވެ. ވެރިކަމުގައި ކޯލިޝަންގައި ތިބި ހުރިހާ ޕާޓީއަކުންވެސް ވަނީ ރައީސް ޞާލިހާއި ފެޔަށް ޖެހިފައެވެ. މިއީ އިންތިޚާބު އެއްބުރުން ކާމިޔާބު ކުރުމަށް ނިކުންނެވި ރައީސް ޞާލިހަށް ލިބިވަޑައިގެންނެވި ވަރަށް ބޮޑު ނާކާމިޔާބެކެވެ. އިންތިޚާބުގައި ރައީސް ޞާލިހު ބަލިވެފައިވަނީ ރާއްޖޭގެ އާބާދީީގެ ބޮޑު އިންސައްތައެއްގެ ވޯޓުންނެވެ. ބޮޑެތި އާބާދީތަކާއި، ރާއްޖޭގެ އަތޮޅުތަކާއި ރަށްތަކުގެ ސުޕަ މެޖޯރިޓީ ހޯއްދެވީ ޑރ. މުއިއްޒެވެެ.
މުޅި ރާއްޖޭގައި ބަހައްޓައިފައިވާ 586 ވޯޓު ފޮށީގެ ތެރެއިން މިހާތަނަށް ގުނި 487 ގޮށިން އެމަނިކުފާނު ވަނީ 100،139 ވޯޓު ހޯއްދަވައިފި އެވެ. އެމަނިކުފާނު ވާދަކުރެއްވީ ރައީސް އިބްރާހިމް މުހަންމަދު ސޯލިހަށް ލިބިވަޑައިގެންފައި ވަނީ 85،356 ވޯޓެވެ. އެއީ، 15،000 ވޯޓުގެ ފަރަގެވެ.
މި އިންތިހާބުގައި ވޯޓު ލުމުގެ ހައްގު ލިބިފައިވާ 282،804 މީހުންގެ ތެރެއިން ވޯޓު ލައިފައިވާ ކަމަށް ބެލެވެނީ 85 ވަރަކަށް ޕަސެންޓް މީހުންނެވެ. އޭގެ މާނައަކީ، އެއީ ގާތްގަނޑަކަށް 240،000 މީހުންނެވެ. މި ނިސްބަތުން ބަލާނަމަ، އަދި ވޯޓު ފޮށިތަކުގެ ނަތީޖާތަކުގެ ސަގާފަތް ދައްކާ ގޮތުން މުއިއްޒުގެ މައްޗަށް ރައީސަށް ކުރި ހޯއްދެވުމަކީ ނާދިރު ކަމެކެވެ. ސަބަބަކީ ނުގުނާ ހުރި ވޯޓުގެ 50 ޕަސެންޓް ރައީސް ހޯއްދަވަން ޖެހިވަޑައިގަންނަވާނެތީއެވެ.
މުއިއްޒު ހޯދި މިކާމިޔާބީ ފާހަގަ ކުރަން ގިނަ އަދަދެެއްގެ ރައްޔިތުން ގެންދަނީ މަގުތަކަށް ނިކުމެ އުފާ ފާޅު ކުރަމުންނެވެ. މުއިއްޒު އިންތިޚާބު ކާމިޔާބު ކުރައްވާނެ ކަމަށް ބެލެވެނީ ރާއްޖޭގެ 57 އިންސައްތަ ވޯތުންނެވެ. ނަމަވެސް މިނަތީޖާ ސާފުވެގެން ދާނީ، ހުރިހާ ފޮއްޓެއްގެ ނަތީޖާ ލިބުމުންނެވެ.
ޑރ. މުއިއްޒު އިންތިޚާބުވެ ހުވާ ކުރައްވާނީ ނޮވެމްބަރު މަހުގެ 17 ވަނަ ދުވަހުއެވެ. އެހާތަނަށް ރައީސަކަށް ހުންނާނީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހެއެވެ. ޕީޕީއެމްގެ ސަޕޯޓަރުން އެންމެ ބޮޑަށް އުންމީދު ކުރަނީ ނޮވެމްބަރު މަހުގެ 17 ވަނަ ދުވަހަށެވެ. އެއީ އެދުވަހު ހުވާ ކުރުމަށްފަހު ރައީސް ޔާމީން ގެޔަށް ބަދަލު ކުރެވިގެންދާނެތީއެވެ.
