މާލެއާއި ރާއްޖޭގައި ކުށްތަކަށް އަރައިގަންނަ ގްރޫޕްތަކުގެ ހަރަކާތްތައް އިތުރުވެފައިވާތީ ސަލާމަތީ ކަންކަން ވަރުގަދަކޮށްފައި ވާކަމަށް ފުލުހުން ބުނެފިއެވެ.
ފުލުހުން ބުނީ ޖިނާއީ ކުށްތަކަށް އަރައިގަންނަ ގުރޫޕްތަކުގެ ހަރަކާތްތައް މާލެތެރޭގައި އިތުރުވަމުންދާކަމަށް ފާހަގަ ކުރެވުމާ ގުޅިގެން ސަލާމަތީ ފިޔަވަޅުތައް އަޅައި، އިންތިޚާބުގެ ރައްކާތެރިކަމުގެ ފިޔަވަޅުތައް އިތުރަށް ވަރުގަދަކޮށް ޢާންމުންގެ ސަލާމަތާއި ރައްކާތެރިކަން ކަށަވަރު ކުރުމަށް ފުލުހުން ކުރަންޖެހޭ މަސައްކަތް ކުރަމުން ދާކަމަށެވެ.
މިފަދަ ގްރޫޕްތަކަށް ނިސްބަތްވާ ފަރާތްތަކުން ބައެއް މީހުންނަށް އިންޒާރުދީ ބިރުދެއްކުމާއި މިއަދު އިންތިޚާބާއި ގުޅުންހުރި ކަންކަމުގައި ހަރަކާތްތެރިވާ ބައެއް ފަރާތްތަކަށް ހަމަލާ ދިނުންފަދަ މައްސަލަތައް ފުލުހުންނަށް ހުށަހެޅިފައިވާކަމަށެވެ. މިމައްސަލަތައް ސީރިއަސް މައްސަލަތަކެއްގެ ގޮތުގައި ބަލަމުންދާކަމަށް ފުލުހުން ވަނީ ބުނެފައެވެ.
މިއަދުގެ އިންތިޚާބުގެ ތެރެއިނން ފޭދޫ ދާއިރާގެ މެމްބަރު ނިހާދާއި، އައްޑޫ މަރަދޫ ދާއިރާގެ މެމްބަރު އިބްރާހިމް ޝަރީފަށް ބަޔަކު ވަނީ ހަމަލާދީފައެވެ. އަދި ބައެއް އެހެން ބޭފުޅުންނަށް އިންޒާރުދިނުމުގެ ކަންކަންވެސް ކުރަމުންދާ ކަމުގެ ތުހުމަތު ދަނީ ކުރަމުންނެވެ.
ފުލުނުންގެ ސަލާމަތީ ކަންކަން އިތުރަށް ވަރުގަދަ ކޮށްފައިވާއިރު، ނައިފަރު ދާއިރާގެ މެމްބަރު ޝިޔާމްވަނީ އެމްޑީޕީން ހަމަނުޖެހުން ހިންގަން އުޅޭކަމަށް ތުހުމަތު ކުރައްވާފައެވެ.
