އިދިކޮޅު ޕީޕަލްސް ޕްރޮގްރެސިވް ޕާޓީ (ޕީޕީއެމް)ގެ ނަމުގައި ފޭކު ބަޔާނެއް ދައުރުކުރަން ފަށައިފިއެވެ.

އެ ބަޔާނުގައި ބުނެފައިވަނީ މިއަދު ކުރިއަށްދާ ރިޔާސީ އިންތިހާބުގެ ދެވަނަބުރުގެ ވޯޓުލުމުގެ ވަގުތު ކުޑަތަންވެފައި ވަނިކޮށް ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުއަށް ކުރައްވާ ތާއީދު ރައީސް ޔާމީން އަނބުރާ ގެންދެވިކަމަށް އެމަނިކުފާނުގެ އަނބިކަނބަލުން މެޑަމް ފާތިމަތު އިބްރާހިމް އިއްޔެ އިއުލާނުކުރެއްވުމާއި ގުޅިގެން އަރާފައިވާ އޮޅުންތައް ފިލުވުމަށް މިއަދު ރައީސް ޔާމީންގެ ލޯޔަރުންގެ ޓީމުން މާފުށި ޖަލަށް ވަޑައިގެން ރައީސް ޔާމީންއާ ބައްދަކުކުރައްވާފައިވާކަމަށެވެ.

އަދި އެ ބައްދަލުވުމުގައި ޑރ. މުއިއްޒުއަށް ކުރެއްވި ތާއީދު އަނބުރާ ގެންދެވި ސަބަބެއްކަމަށް ރައީސް ޔާމީން ވިދާޅުވީ ރިޔާސީ ޓިކެޓް ހޯއްދެވުމަށް ޑރ. މުއިއްޒު ސިހުރު ހަދާފައިވާކަން ސާބިތުކުރެވޭ ހެކި ލިބުމާއި އިންތިހާބު ބޮއިކަޓް ކުރުމަށް ރައީސް ޔާމީން އެންގެވި އެންގެވުން މުއިއްޒުގެ ނުފޫޒުން އަދި ޕީއެންސީގެ އިސްވެރިންގެ ތާއީދާއެކު ބޮލާލާ ޖެހުންކަމަށް އެ ބަޔާނުގައި ބުނެފައިވެއެވެ.

މި ބަޔާނުގައި ހިނގިކަމަށް ބުނެފައިވާ އެއްވެސް ކަމަކީ ހިނގާފައިވާ ކަންކަމެއް ނޫނެވެ. އިއްޔެ ހަވީރު ޑރ.މުޢިއްޒުގެ ކެމްޕެއިން ނިންމުމަަށް ބޭއްވި ބޮޑު ހިނގައިލުމުގައި މުޢިއްޒުގެ ދެމަފިރިކަނބަލުންނާއެކު މެޑަމް ފާތުންވެސް ބައިވެރިވެވަޑައިގެންފައިވެއެވެ.

ދައުރުކުރަމުންދާ ފޭކު ބަޔާނާއި ގުޅިގެން ޕީޕީއެމްއިން މިހާރު ވަނީ ޓްވީޓެއް ކޮށްފައެވެ. އެ ޓްވީޓުގައި ބުނެފައިވަނީ ރައީސް ޔާމީނާ ގުޅުވައިގެން ދައުރުވާ ނޫސް ބަޔާނަކީ ފޭކު ބަޔާނެއްކަމަށާއި އެ ބަޔާނުގައި ވަނީ ޕީޕީއެމްގެ ލެޓާހެޑެއްވެސް ނޫން ކަމަށެވެ.