ކުރިއަށް އޮތް ފަސް އަހަރު ދުވަހު ރާއްޖޭގައި ވެރިކަން ކުރާނެ ވެރިއަކު ހޮވުމަށް ބާއްވާ ރިޔާސީ އިންތިހާބުގެ ދެވަނަ ބުރުގެ ވޯޓުލުން ފަށައިފިއެވެ.
ގިނަ ވޯޓުލާ މަރުކަޒުތަކުގައި ވޯޓުލުން 8:00 ޖެހިއިރު ވަނީ ފަށައިފައެވެ. ވޯޓުލާން 8:00 ޖެހިއިރު ފެށިއިރު، އޭގެ ގަޑިއެއްހާ އިރު ކުރިން ފެށިގެން މީހުން ވަނީ ވޯޓު ލުމަށް ކިއު އަށް އަރަން ފަށައިފައެވެ. ހާއްސަކޮށް އުމުރުން ދުވަސްވީ މީހުން ވަނީ ކިއުތަކަށް އަރަން ފަށައިފައެވެ.
މިފަހަރު ވޯޓުލުމަށް ދީފައި ވަނީ 9:00 ގަޑިއިރުގެ މުއްދަތެކެވެ. އެގޮތުން 5:00އާ ހަމައަށް ވޯޓުލުން ކުރިއަށްދާއިރު، އޭގެ ފަހުން ވޯޓު ފޮށިތައް ބަންދު ކުރާނެއެވެ. އިލެކްޝަންސް ކޮމިޝަނުން މިފަހަރު ނިންމާފައި ވަނީ 5:00ގެ ފަހުން ވޯޓުލާ ވަގުތު އިތުރު ނުކުރުމަށެވެ.
އަދި ވޯޓު ފޮށި ބަންދު ކުރާތާ 30 މިނެޓް ތެރޭގައި ވޯޓު ގުނަން ފަށާނެއެވެ. ރިޔާސީ އިންތިހާބުގެ ދެވަނަ ބުރުގައި ވާދަކުރައްވަނީ ދެ ކެންޑިޑޭޓުންނެވެ. އެއީ އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހާއި، އިދިކޮޅު ކޯލިޝަންގެ ރިޔާސީ ކެންޑިޑޭޓް ޑރ. މުހައްމަދު މުއިއްޒެވެ.
އޭގެ ތެރޭގައި ސިޔާސީ ޕާޓީތަކުގެ ފަރާތުން ވާދަކުރައްވާ ފަސް ކެންޑިޑޭޓުންނާއި، އަމިއްލަ ގޮތުން ވާދަކުރައްވާ ދެ ކެންޑިޑޭޓުން ހިމެނެއެވެ. މި ބުރުގައި ވޯޓުލުމުގެ ހައްގު ލިބިގެންވަނީ 282،803 މީހަކަށެވެ.
