ރާއްޖޭގެ މިނިވަންކަމާއި ސިޔާދަތާއި އިސްތިޤުލާލު ދެމެހެއްޓުމަށްޓަކައި ދިވެހި ރާއްޖެ މިހާރު އޮތް އަޅުވެތި ހާލަތުން ޤައުމު ސަލާމަތް ކުރުމަށް ހުރިހާ ދިވެހި ލޮބުވެތި ރައްޔިތުންވެސް ހޮނިހިރު ދުވަހު ޑރ. މުއިއްޒަށް ވޯޓު ދެއްވުމަށް ރައީސް ޔާމީން އާދޭހާއިއެކު އެދިވަޑައި ގަންނަވާކަމަށް އެމަނިކުފާނުގެ އަނބިކަނބަލުން މެޑަމް ފާތިމަތު އިބްރާހިމް ވިދާޅުވެއްޖެއެވެ.
ދެވަނަ ބުރުގެ ވޯޓުލުން ހޮނިހިރު ދުވަހު އޮންނަ އިރު މިރޭ ޗެނަލް 13 މެދުވެރިކޮށް މެޑަމް ފާތުން ދެއްވި މެސެޖުގައި ވިދާޅުވީ މި ސަރުކާރަށް އިތުރު ފުރުސަތެއް ހަނިގޮތަކަށްވެސް ލިބިއްޖެ ނަމަ ދިވެހިރާއްޖޭގެ މިނިވަންކަމާއި އިސްތިޤްލާލު އެކުއެކީގައި ގެއްލިގެންދާނެކަމީ ޔަޤީންކަމެއް ކަމަށް ރައީސް ޔާމީން ވިދާޅުވާކަމަށެވެ. އެމަނިކުފާނުގެ އާދޭހަކ،ީ ދިވެހިރާއްޖެ އަޅުވެތިކަމަށް ދިއުމުން ސަލާމަތްކުރުމަށް އެމަނިކުފާނު އެންޑޯޒްމަންޓު ދެއްވާފައިވާ ރިޔާސީ ކެންޑިޑޭޓު ޑރ. މުހައްމަދު މުއިއްޒާއ،ި އެމަނިކުފާނުގެ ރަނިންގމޭޓް ހުސައިން މުހައްމަދު ލަތީފަށް އެންމެހާ ލޮބުވެތި ރައްޔިތުންގެ ވޯޓު ދެއްވުން ކަމަށެވެ.
އަޅުގަނޑާއި ދިމާވާ ކޮންމެ ފަހަރަކު ރައީސް ޔާމީން ވިދާޅުވަނީ ދިވެހީންގެ މިނިވަންކަމާއި އަމިއްލަވަންތަ ވެރިކަން މިއަދު އޮތީ އެހެން ބައެއްގެ އަތްދަށުގައި ކަމަށް. މިއަދު ދިވެހި ބިމުގައި، ދިވެހީންނަކީ ދެވަނަ ދަރަޖައިގެ ރައްޔިތުންނަށް މިއަންނަނީ ވަމުން ކަމަށް. ދިވެހީންގެ ދާހިލީ މައްސަލަތައް، ދިވެހީންގެ އަމިއްލަ ވިސްނުމުގައި ނިއްމުމުގެ ބާރެއް ނެތްކަމަށް.
– މެޑަމް ވިދާޅުވިއެވެ.
މިއަދާއި ހަމައަށް ޕީޕީއެމް/ޕީއެންސީން ކުރަމުންދާ ޤައުމީ މި މަސައްކަތުގައި ބައިވެރިވެ ވަޑައިގަންނަވާ އެންމެހާ ލޮބުވެތި ރައްޔިތުންނާއި ވޭތުވެގެން މިދާ ފަސް އަހަރު އެމަނިކުފާނަށް ލިބެމުންދާ އަނިޔާއިން ސަލާމަތްކުރުމަށް ޓަކައި ވަކާލާތުކުރައްވާ އިހުތިޖާޖުކުރައްވާ އެކިގޮތްގޮތުން އަނިޔާ ލިބެމުންދާ ފަރާތްތަކަށާއި ޕީޕީއެމް/ޕީއެންސީގެ ލީޑަރޝިޕުގެ އެންމެހާ ބޭފުޅުންނަށް އެމަނިކުފާނުގެ ހިތުގެ އިހުލާސްތެރި ޝުކުރާއ،ި ލޯބި ރައްދުކޮށްދޭން ރައީސް ޔާމީން ވިދާޅުވެފައިވާކަމަށް މެޑަމް ވިދާޅުވިއެވެ.
މި ވޯޓުގެ ނަތީޖާއަކަށް ވެގެންދާނީ ދިވެހީންގެ ރާއްޖެ އަލުން އަނބުރާ ދިވެހީންނަށް ލިބުން. ރައީސް ޔާމީން ފެއްޓެވި ޤައުމީ ތަރައްޤީ އަލުން އިއާދަވުން. ދިވެހީންނަށް ހައްޤު ލާޒިމް ހަޤީޤީ ބޯހިޔާވަހިކަން މުޅިރާއްޖޭގައި ޤާއިމުވުން. ރައީސް ޔާމީންގެ ވިޝަނަރީ އިޤްތިޞާދީ ސިޔާސަތުތައް އިއާދަވުން. ދިވެހީންނަކީ އިޤްތިޞާދީ ގޮތުން ފުދިފައިވާ އަބުރުވެރި ދިރިއުޅުމަކަށް މަގުފަހިވެފައިވާ ބަޔަކަށްވުން.
– މެޑަމް ފާތުން ވިދާޅުވިއެވެ.
މެޑަމް ވިދާޅުވީ މި އިންތިހާބުން އަޅުގަނޑުމެން ކާމިޔާބު ހޯދާ އަޅުގަނޑުމެން އެންމެން އެކުގައި އުފާފާޅުކުރާނ،ީ ރައީސް ޔާމީން މިނިވަންކުރުމަށް ފަހު އެމަނިކުފާނުގެ ބައިވެރިވެ ވަޑައިގެންނެވުމާއެކުކަމަށެ. އަދި މިއީ ޤައުމަސް ނަސްރުލިބި މިނިވަންކަން ދެމެހެއްޓުމަށް ލިބޭ ފަހި ފުރުސަތަކަށް ވެގެންދާނެ ކަމަށެވެ.
