މާލޭގެ ފަރީދީ މަގުގައި މަސްތުވާތަކެތީގެ މައްސަލައެއް ފުލުހުން ހިންގައި 10 މީހަކު ހައްޔަރުކޮށްފިއެވެ.
ކަމިޝަނާ އޮފް ޕޮލިސް މުހައްމަދު ހަމީދު ވިދާޅުވީ މި އޮފަރޭޝަނަކީ ފަރީދީ މަގުގެ ސަރަަހައްދުގައި އޮތް ކާރަކުން މަސްތުވާތަކެތި ފެނިގެން ހިންގަމުންދާ އޮޕަރޭޝަނެއް ކަމަށެވެ.
A block of Fareedhee Magu has been closed off to search and conduct forensics on a car which we suspect to contain huge amount of smuggled narcotic drugs. DED, Drug Intelligence & Marine Police have been operating on the sea and land for more than a week to disrupt this –
— Mohamed Hameed (@M_Hameedh) December 8, 2020
އަތުލައިގަތް މަސްތުވާތަކެއްޗަކީ މީގެ ހަފުތާއެއްހާ ދުވަސްކުރިން ފުލުހުން ކަނޑުމަތިން ފާރަލަމުން އައި އެއްޗެއް. އެ އެއްޗެހި މާލެ އަށް ބާލައި ކާރަށް އަރުވާފައި ދުއްވަން ފެށިތަނުން އެ ކާރު ފުލުހުން ހުއްޓުވީ މިއަދު މެންދުރެއްހާ އިރު. ޒަމާނީ، ފަހުގެ އަޅިކުލައިގެ އެ ޕްރައިވެޓް ކާރުގެ ބޮނެޓާއި ޑިކީ އާއި އެހެން ދޮރުތައް ވެސް ނައްޓައިގެން ފުލުހުން މިހާރު ވެސް އަންނަނީ ތަހުގީގުކުރަމުން. އެ ހިސާބުގަނޑު އެއްކޮށް އާންމުންނަށް ވަނީ ބަންދުކޮށްލައިފައި.
ކާރުން އަތުލައިގަތް މަސްތުވާތަކެތީގެ ހުރީ ހަ ސޫޓްކޭހާއި ދެ ގޯނީގައެވެ. އޭގެ ތެރެއިން ދެ ގޯނި ހުރީ ކާރުގެ ޑިކީ ތެރޭގައެވެ. މިހާތަނަށް ބެލިބެލުމުން ބައެއް ސޫޓް ކޭސްތަކުގައި ހަ ކިލޯގެ މަސްތުވާތަކެތި ހުރެއެވެ. ބެލެވޭ ގޮތުން އެ ކާރު ތެރޭގައި މަދުވެގެން 100 ކިލޯއާއ ގާތްކުރާ އަދަދަކަށް މަސްތުވާތަކެތި ހުންނާނެއެވެ.
ފަހަކަށް އައިސް ފުލުހުންދަނީ ޑްރަގްގެ ޚާއްޞަ އޮަޕރޭޝަންތަކެއް ހިންގަމުންނެވެ. އަދި އެ އޮޕަރޭޝަންތަކުގައި ގިނަ ޢަދަދެއްގެ މަސްތުވާތަކެއްޗާއެކު ބަޔަކު ހައްޔަރުކޮށްފައިވެއެވެ. އަދި މީޑިއާގެ ޙާޒިރުގައިވެސް ހިންގި އޮޕަރޭޝަން ފުލުހުން ކުއްލިގޮތަކަށް ވަނީ ހުއްޓާލާފައެވެ.
ރާއްޖެއަށް އެތެރެކުރަން އުޅުނު ގިނަ ޢަދަދެއްގެ މަސްތުވާތަކެތިވެސް ފުލުހުން ދާދި ފަހުން ވަނީ ހޯދާފައެވެ.
ކޮމެންޓު ފޮނުވާ