ށ. ބިލެއްފަހީ އެމްޑީޕީގެ އެއްތަނބު ފާތޭ އެޕާޓީންވަކިވެ، ރިޔާސީ އިންތިޚާބުގެ ދެވަނަ ބުރުގައި ޑރ. މުއިއްޒުއަށް ތާއީދުކޮށް ޕީޕީއެމްއާއި ގުޅިއްޖެއެވެ.
ޑރ. މުއިއްޒުއާއި ކެމްޕޭން ޓީމުން މިއަދު ބިލެއްފައްސަށް ވަޑައިގެންނެވުމުން އެރަށުން ވަނީ ވަރަށް ހޫނު މަރުޚަބާއެއް ދަންނަވާފައެވެ. ބިލެއްފަހިން ވަނީ ރިިޔާސީ އިންތިޚާބުގެ ފުރަމަ ބުރުގައި މުއިއްޒަށް ވަރަށް ބޮޑު ތާއީދެއް ދެއްވާފައެވެ. މުއިއްޒުވަނީ އެރަށުން ދެވަނަ ބުރުގައި އެއަށްވުރެވެސް ބޮޑު ނަތީޖާއެއް ލިބިގެންދާނެކަމަށް އުންމީދު ކުރާކަމަށް ވިދާޅުވެފައެވެ.
މިއަދު ބިލެއްފަހީގައި އޮތް ޖަލްސާގައި މުއިއްޒަށް ތާއީދުކޮށް އެރަށުންނ ގުޅުނު އެމްޑީޕީގެ އެއްތަނބު ފާތޭއަކީ އެމްޑީޕީއަށް ވަރަށް ގިނަ ޚިދުމަތްތަކެއް ކޮށްދެއްވާފައި ކަނބަލެކެބެ. އޭނާ ގުޅުމުން ބިލެއްފަހީ ޕީޕީއެމްގެ ޓީމުން ވަނީ ވަރަށް ހޫނު މަރުހަބާއެއް ކިޔާފައެވެ.
ފާތޭގެ އިތުރުން އެރަށުގެ ޒުވާނުންތަކެއްވެސް ވަނީ މިއަދު އޮތް ރަސްމިއްޔާތުގައި މުއިއްޒަށް ތާއީދުކޮށް ޕީޕީއެމްއާއި ގުޅިފައެވެ. ދެވަނަ ބުރުގެ ކެމްޕޭންގައި މުއިއްޒު ވަޑައި ގަންނަވާ ގިނަ ރަށްތަކުން ގިނަ ބަޔަކު ދަނީ މުއިއްޒަށް ތާއީދުކޮށް ޕީޕީއެމްއާއި ގުޅެމުންނެވެ. އޭގެ ތެރޭގައިވެސް އެމްޑީޕީއަށް ނިސްބަތްވާ ގިނަ ބަޔަކު ހިމެނޭކަން ފާހަގަ ކޮށްލެވެއެވެ.
