ރިޔާސީ އިންތިޚާބުގެ ފުރަމަ ބުރުގައި ލިބުނު ބޮޑު ކާމިޔާބީއާއި އެކުވެސް، ދެވަނަ ބުރަށް ކުރަންޖެހޭ މަސައްކަތަށް ކުޑަވެސް މަޑުޖެހުމެއް ނެތި ޑރ. މުއިއްޒު ކެމްޕޭން މެކުހަށް ޖަހައިފިއެވެ.
ރިޔާސީ އިންތިޚާބުގެ ފުރަތަމަ ބުރުގައި ދިވެހި ރައްޔިތުންގެ ތެރެއިން އެއްލައްކައަށް ވުރެ ރައްޔިތުން ވަނީ ޑރ. މުއިއްޒަށް ތާއީދުކޮށް މިސަރުކާރަށް ނޫނެކޭ ބުނެފައެވެ. ނަމަވެސް ލިބުނު ބޮޑު ކާމިޔާބާއިއެކުވެސް ދެވަނަ ބުރަށް މުއިއްޒު ކުރައްވާ މަސައްކަތަށް އެއްވެސް މަޑު ޖެހުމެއް ނުގެނެސް ހުއްޓުމެއް ނެތި ދަނީ ކެމްޕޭންގައި ރައްޔިތުންގެ ތާއީދާއި ވޯޓު ހޯދުމަށް ކެނޑިނޭޅި މަސައްކަތް ކުރަމުންނެވެ.
ސިޔާސީ ގޮތުން ކުރައްވަން ޖެހޭ މަޝްވަރާއާއި، ޕާޓީތަކާއި ދައްކަވަންޖެހޭ ވާހަކަތައް ދެއްކެވުމާއި، ލީޑަރޝިޕާއި ވަކިވަކި ބައްދަލުވުންތައްވެސް ބޭއްވި ނަމަވެސް މުއިއްޒު ގެންދަވަނީ ސީދާ ރައްޔިތުންގެ ގާތަށް ވަޑައިގެން ކެމްޕޭން ކުރައްވަމުންނެވެ. އެގޮތުން އިންތިޚާބުގެ ފުރަތަމަ ބުރަށްފަހު މާލޭގައި ކުރައްވަންޖެހޭ މަސައްކަތް ކުރެއްވުމަށް މަޑުކޮށްގެން ހުންނެވި ތިން ދުވަހުގައިވެސް މުއިއްޒު ގެންދަވަނީ މާލޭގެ ރައްޔިތުންގެ ކައިރިއަށް ވަޑައިގެން ކަންބޮޑުވުންތައް އޮޅުން ފިލުވައި ތާއީދު ހޯއްދެވުމަށް މަސައްކަތް ކުރައްވަމުންނެވެ.
މުއިއްޒު މާލޭގައި ކުރައްވަމުންދާ ވަރުގަދަ ކެމްޕޭންގައި މާލޭގެ ރައްޔިތުން ތިބީ މުއިއްޒަށް ފުރަމަ ބުރުގައި ދެއްވި ތާއީދު ދެގުނަ ކޮށްލަން ކަމަރު ބަނދެގެންނެވެ. އަދި މިއީ މާލޭ ރައްޔިތުންގެ އެދޭ ބަދަލު ގެނައުމަށް ލިބޭ ރަނުގެ ފުރުސަތަކަށް ހެދުމަށް މާލޭ ރައްޔިތުން ތިބީ އެދިއެވެެ.
ކެމްޕޭންގައި މުއިއްޒު މާދަމާ އަރިއަތޮޅުގެ ރަށްތަކަށް ކެމްޕޭނަށް ފުރާ ވަޑައިގަންނަވާނެއެވެ. އަދި ސެމްބެ މާދަމާ ހުވަދު އަތޮޅަށް ވަޑައި ގަންނަވާނެއެވެ.
