ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު މަދަމާ އަރި އަތޮޅަށް، އަދި ރަނިންމޭޓް ހުސެއިން މުހައްމަދު ލަތީފް ހުވަދު އަތޮޅުގެ ބައެއް ރަށްތަކަށް ވަޑައި ގެންނެވުމަށް ހަމަޖެހިއްޖެއެވެ.
ޑރ.މުއިއްޒުގެ ތަރުޖަމާން މުހައްމަދު ތޮލާލް ވިދާޅުވީ ކެމްޕޭންގައި މާދަމާ ޑރ.މުއިއްޒު އއ. އަދި އދ.ގެ އަތޮޅުތަކަށް ވަޑައި ގަންނަވާނެކަމަށެވެ. މިދަތުރުތަކުގައި އެތަށްތަކުގެ ރައްޔިތުންނާއި ބައްދަލުކޮށް ކެމްޕޭން ވަރުގަދަ ކުރުމަށް ކުރަންޖެހޭ މަސައްކަތް ކުރުމަށް އިރުޝާދު ދެއްވައި ކެމްޕޭން ޓީމުތަކާއިވެސް ބައްދަލު ކުރާނެކަމަށެވެ.
ރަނިންމޭޓް ހުސެއިން މުހައްމަދު ލަތީފް މާދަމާ ވަޑައިގެންނެވުމަށް ހަމަޖެހިފައިވަނީ ގދ.އަތޮޅުގެ ރަށްތަށެކެވެ. އެގޮތުން ގދ. ވާދޫ އަދި ފަރެސް މާތޮޑާއަށް ވަޑައިގަންނަވާނެއެވެ. މިދަތުރުތަކަށްފަހު މުއިއްޒު މާދަމާރޭ މާލެ ވަޑައި ގަންނަވާނެއެވެ. އަދި ސެމްބެ ހުކުރު ދުވަހު ހެނދުނު މާލެ ވަޑައި ގަންނަވާނެއެވެ. މީގެ އިތުރުން މިރޭ މާލޭގައި މާވެޔޮމަގު އޭޑީކީ ފާމަސީ ކުރިމަތީގައި ކަންމަތީ ބައްދަލުވުމެއް ބޭއްވުމަށް ވަނީ ހަމަޖެހިފައެވެ.
ތޮލާލް ވަނީ މިހާރުވެސް ގިނަ ރަށްރަށުން ފުރަތަމަ ބުރުގައިި އެކީގައި ނެތް އެތައް ބަޔަކު ކެމްޕޭނާއި ގުޅެމުންދާ ކަަމަށެވެ. އަދި އެއްވެސް ރައްޔިތަކު ފަރުވަ ކުޑަކޮށް، ކެމްޕޭނަށް ކުޑަވެސް ދުލެއް ނުދީ ކެމްޕޭން ވަރުގަދަ ކުރުމަށް ވަނީ އިލްތިމާސް ކުރައްވާފައެވެ. މީގެ އިތުރުން މިމަހުގެ 15، 16، 17 ރީ-ރަޖިސްޓްރޭޝަން ހުޅުވާލާއިރު، އެކަމަށް ޚާއްސަ ސަމާލުކަމެއް ދިނުމަށް ތޮލާލް ވަނީ އެދިވަޑައިގެންފައެވެ.
