ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު މިރޭ ހުޅުމާލޭ ރައްޔިތުންނާއި ބައްދަލު ކުރުމަށް ހަމަޖެހިއްޖެއެވެ.
ޕީޕީއެމް ޕީއެންސީގެ ރިޔާސީ ކެންޑިޑޭޑް ޑރ. މުޙައްމަދު މުޢިއްޒު މިރޭ ހުޅުމާލޭ ދިރިއުޅޭ ރައްޔިތުންނާ ބައްދަލުކުރެއްވުން އޮންނާނީ 8:30 ގައެވ. މި ބައްދަލުވުން އޮންނާނީ ހުޅުމާލެ ފޭސް 1 ގެ ފުލެޓް 146 ފުރަގަހުގައިވާ ނެއިބަރުޑް، އޯޓިޒަމް ސެންޓަރ ކުރިމަތީގައެވެ. މިބައްދަލުވުމުގައި މުއިއްޒު ހުޅުމާލޭގެ ރައްޔިތުންގެ އުންމީދުތަކާއި ގުޅިފައިވާ މުހިންމު މެސެޖުތަކެއް ދެއްވާނެއެވެ.
ޑރ.މުއިއްޒު ގެންދަވަނީ ރިޔާސީ އިންތިޚާބުގެ ފުރަތަމަ ބުރު ކާމިޔާބު ކުރުމަށްފަހު ހުއްޓުމެއްނެތި ކެމްޕޭން ކުރައްވަމުންނެވެ. އެގޮތުން މާލޭގައި ދޮރުން ދޮރަށް ހިންގެވުމާއި، ބައްދަލުވުންތައް ބޭއްވުމާއި، ކެމްޕޭން ޓީމުތަކާއި ބައްދަލުރުން ދަނީ ކުރިއަށެވެ.
ރިޔާސީ އިންތިޚާބުގެ ނަތީޖާ ދައްކާގޮތުން، ކުރީގައި އުޅުއްވަނީ ޕީއެންސީގެ ކެނޑިޑޭޓް ޑރ. މުހައްމަދު މުއިއްޒުއެވެ. މުއިއްޒު ކުރީގައި އުޅުއްވަނީ 46 އިންސައްތަ ވޯޓުންނެވެ. ނުވަތަ 101،635 ވޯޓެވެ. މުއިއްޒުއާ އެންމެ ގާތުން ވާދަކުރައްވަނީ ރައީސުލްޖުމްހޫރިއްޔާ އަދި އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސާލިހެވެ. އޭނާއަށް މިހާތަނަށް ލިބިވަޑައިގަތީ 39 ޕަސެންޓް ނުވަތަ 86161 ވޯޓެވެ.
އިންތިޚާބުގެ ދެވަނަ ބުރުގައި އެކީގައި ކުރިއަށް ދިއުމަށް މުއިއްޒު ވަނީ ސިޔާސީ ހުރިހާ ޕާޓީތަކާއި، ދިވެހި ރައްޔިތުންނަށް ދައުވަތު ދެއްވާފައެވެ. މުއިއްޒު ވިދާޅުވީ ޤައުމީ މަސައްކަތެއްގެ ގޮތުގައި ދެކި ޤައުމު ސަލާމަތް ކުރުމަށް ހުރިހާ ރައްޔިތުންގެ އެއްބާރުލުން ބޭނުންވާކަމަށެވެ.
