ރާއްޖޭގައި ބޯހިޔާ ވަހިކަން ބޭނުންވާ ހުރިހާ ރައްޔިތުންނަށް ބޯހިޔާ ވަހިކަން ކަށަވަރު ކޮށްދެއްވާނެކަމުގެ ސައްތައިން ސައްތަ ޔަގީންކަން ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ދެއްވައިފިއެވެ.
މާފަންނުގައި ހުރި ކަމްޕޭން ޖަގަހައެއްގައި ވާހަކަ ދައްކަވަމުން މުއިއްޒު ވިދާޅުވީ މާލޭގެ ރައްޔިތުންނަށް ދިމާވެފައިވާ ބޯހިޔާ ވަހިކަމުގެ މައްސަލައަކީ ވަރަށް ބޮޑު އިސްކަމެއް ދެއްވައިގެން ކުރައްވާނެ ކަމެއްކަމަށެވެ. ހަމަ މިއާއިއެކު މުޅި ރާއްޖޭގައި ބޯހިޔާ ވަހިކަމަށް ބޭނުންވާ ކޮންމެ ރައްޔިތަކަށް ހިޔާވަހިކަން ކަށަވަރު ކޮށްދެއްވުމަކީ ކުރައްވާނެ ކަމެއްކަމަށް މުއިއްޒު ވިދާޅުވިއެވެ. މިކަން ކުރައްވާނެ ގޮތުގެ ތަފްސީލްތަކާއިއެކު މެނިފެސްޓޯގައި ހާމަ ކުރައްވާފައިވާނެކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ މާލޭގެ ބޯހިޔާ ވަހިކަން ކަށަަރުކޮށް މާލޭގެ ރައްޔިތުންނަށް ހިތްފަސޭހަ ތަނަކަށް ހެދުމަށް ކުރަން ފެށި މަސައްކަތް ހުއްޓުވާލީ މިސަރުކާރުން ވެރިކަމަށް ވަޑައިގެންކަމަށެވެ. މާލޭގައި ހުރި ހުރިހާ ގަރާޖްތަކާއި، ގުދަންތައް އިންޓަސްޓްރިއަލް ވިލެޖަށް ބަދަލު ކުރުމަށް ކުރަންޖެހޭ ހުރިހާ މަސައްކަތްތައް ނިމިފައި އޮއްވާ އެކަން ހުއްޓުވާލީ މިސަރުކާރުން ކަމަށެވެ. ހަމަ މިއާއިއެކު މަގުތައް ހެދުމުގެ މަޝްރޫޢުވެސް މިސަރުކާރުން ހުއްޓުވާލި ކަމަށެވެ.
މި ދެމަޝްރޫޢު ސިޓީ ކައުންސިލްގެ މޭޔަރު ކަމާއި ހަވާލުވުމަށްފަހުވެސް ކުރަން ކިތަންމެ ވަރަކަށްވެސް މަސައްކަތް ކުރި ކަމަށާއި، އެކަންކަން ހުއްޓުވީ ސީދާ މިސަރުކާރުކަން އެނގޭނެ ހެކިތައްވެސް ރައްޔިތުންނަށް ހާމަކުރަން ތައްޔާރުކަމަށް މުއިއްޒު ވިދާޅުވިއެވެ. މާލޭގެ މަގުތައް ހެދުމަށް މިސަރުކާރުން ކުރި މަސައްކަތުގައި ފަސް އަހަރު ދުވަހު އެންމެ މަގެއް ނިންމާނުލެވުމަކީ ރައްޔިތުން ވިސްނާލަން ޖެހޭ ކަމެއްކަމަށް މުއިއްޒު ވިދާޅުވިއެވެ.
PPM PNC ge Riyaasee Dr Mohamd Muizzu baiverive vadaigannavaa Henveiruge D2D
@MMuizzu#Vote4Muizzu#DrMuizzuSembe2023#DhiveheengeRaajje#FreePresidentYameen pic.twitter.com/keuOB5hFPU— Progressive Party of Maldives (@ProgressPartyMV) September 11, 2023
ހަމަ މިއާއެކު މުއިއްޒު ވިދާޅުވީ ރާއްޖޭގެ އެތައްހާސް ޒުވާނުން މަގުމަތިވެ ރައީސް އުފެއްދެވި ވަޒީފާގެ ފުރުސަތުތައް ބަންދުވެ ޒުވާނުން މަގުމަތި ވެފައިވާކަމަށެވެ. މިކަންކަން އިޔާދަކޮށް ރައީސް ޔާމީންގެ ތަސައްވަރާއިއެކު ތަރައްޤީއާއު ކުރިއެރުން ގެނެވުމަށް ކުރާ މަސައްކަތުގައި އިތުރު ހިތްވަރާއި މަސައްކަތް ބާރުކޮށް ރިޔާސީ އިންތިޚާބުގެ ދެވަނަ ބުރުގައި ތާއީދު އިތުރުކޮށް ދެއްވުމަށް މުއިއްޒު ވަނީ އެދިވަޑައިގެންފައެވެ.
