ރިޔާސީ އިންތިޚާބުގެ ދެވަނަ ބުރުގައި ސިޔާސީ ގޮތުން ޚިޔާލް ތަފާތު ބޭފުޅުންވެސް އެކައްޗެއް ކިޔައި ޤައުމީ ވިސްނުން އިސްކޮށް މިވެރިކަން ބަދަލު ކުރުމަށް އެކީގައި ކުރިއަށްދާނެ ކަމުގެ އުންމީދު އެބައޮތް ކަމުގައި ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިޚާބުގެ ފުރަތަ ބުރުގައި ދިވެހި ރައްޔިތުން ދެއްވި ބޮޑު ތާއީދާއި ގުޅިގެން ޝުކުރިއްޔާ ދިވެހީންގެ ނަމުގައި އާރޓްފިޝަލް ބީޗުގައި ބޭއްވި ޖަލްސާގައި މުއިއްޒު ވިދާޅުވީ ޤައުމު މިހާރު މިދާގޮތަށް ދާން ދޫކޮށްލަން ބޭނުން ނުވާކަން ދިވެހި ރައްޔިތުން އިއްޔެ ބުނެފައިވާކަމަށެވެ. ރިޔާސީ އިންތިޚާބުގެ ދެވަނަ ބުރުގައި ނިމިދިޔަ އިންތިޚާބުގެ ފދެވަނަ ބުރުން ޖާގަ ނުލިބުނު ހުރިހާ ސިޔާސީ ލީޑަރުން މިޤައުމު ސަލާމަތް ކުރުމަށް ބައިއަތު ހިފުމަށް މުއިއްޒު ވަނީ ގޮވާލާފައެވެ.
އަޅުގަނޑު މި އެދެނީ އަޅުގަނޑު މިއަތް ދިއްކުރަނީ ހުރިހާ ސިިޔާސީ ލީޑަރުންނާއި ސިޔާސީ ޕާޓީތަކުން ގުޅިގެން އެއްބައިވެ ޤައުމުގެ މިނިވަންކަމާއި ސިޔާދަތު ސަލާމަތް ކުރުމަށް. ޤައުމު އިސްކޮށް ޤައުމުގެ މިނިވަންކަން ދިފާއު ކުރުމަށް އެންމެން އަޅުގަނޑާއި ބައިއަތު ފިހުމަށް އެދެން.
– މުއިއްޒު ވިދާޅުވިއެވެ.
ޝުކުރިއްޔާ ދިވެހީން
#Vote4Muizzu
#DrMuizzuSembe2023
#DhiveheengeRaajje
#FreePresidentYameen pic.twitter.com/D77PfmM7M2— Progressive Party of Maldives (@ProgressPartyMV) September 10, 2023
މުއިއްޒު ވިދާޅުވީ ޤައުމުގެ މިނިވަން ކަމާއި ސިޔާސަތާއި އިސްތިގުލާލު ހިޔާތް ކުރުމަކީ ކޮންމެ ސިޔާސީ ލީޑަރަކަށްވެސް ކޮންމެ ސިޔާސީ ޕާޓީއަކަށްވެސް އެންމެ މުހިންމު ކަންތައް ކަމަށެވެ. ރާއްޖޭގައި ބޭރުގެ ސިފައިން ތިބިކަމީ ހުރިހާ ސިޔާސީ ވެރިން އެއްބަސް ވާކަމެއްކަމަށާއި، އަދި މިނިވަންކަން ގެއްލޭ އެތައްކަމެއް ހުރިއިރު މިކަންކަމުން އަރައިގަތުމަށް ކުރެވެން އޮތް ހުރިހާ ކަމެއް ކުރުމަށް މުއިއްޒު ވަނީ ގޮވާލާފައެވެ.
މުއިއްޒު ވިދާޅުވީ އިއްޔެ ދިވެހި ރައްޔިތުން ނިންމި ނިންމުމަކީ ދިވެހިންގެ މިނިވަންކަން ބޭނުންހާ ގޮތަކަށް ދީއްލާލަން ބޭނުންވާތީ ނިންމި ނިންމުމެއް ކަމަށެވެ. ދިވެހިން ބޭނުންވާ އުންމީދު ކުރި އެތައްކަމެއް ހާސިލް ނުވެ ރައްިތުންގެ ހާލަތު ބަދަލު ނުވާތީ އެކަން ބަދަލު ކުރަން ނިންމި ނިންމުމެއްކަމަށް މުއިއްޒު ވިދާޅުވިއެވެ.
އިންތިޚާބުގެ ދެވަނަ ބުރުގައި ދިވެހި ރައްޔިތުން ކުޑަ ހިތްވަރެއްލައި އިންތިޚާބު ބޮޑުތަނުން ކާމިޔާބުކޮށް މިޤައުމު ދިވެހިންގެ ރާއްޖެއަށް ގެންދިއުމަށް ކުރެވެން އޮތް ހުރިހާ މަސައްކަތެއްކޮށް ދެއްވުމަށް މުއިއްޒު ވަނީ ދިވެހި ރައްޔިތުންނަށް ވަނީ ގޮވާލާފައެވެ.
