ބ. ތުޅާދޫގައި ކެމެރާ ހަރުކޮށްފައިވާ ގަލަމަކުން ވޯޓު ކަރުދާސްކޮޅެއްގެ ފޮޓޯ ނެގި މައްސަލައެއް ފެންމަތިވެއްޖެއެވެ.
އިލެކްޝަންސް ކޮމިޝަނުން ކުރިއަށްދާ ނޫސްވެރިންގެ ބައްދަލުވުމުގައި އިލެކްޝަންސް ކޮމިޝަންސްގެ ނައިިބް ރައީސް އިސްމާއިލް ހަބީބު ވިދާޅުވީ ކެމެރާ ހަރުކޮށްފައިވާ ގަލަމަކުން ވޯޓު ކަރުދާހުގެ ފޮޓޯ ނެގިކަން އެގުމާއިއެކު ވޯޓުލުން ހުއްޓާލައި އެމައްސަލަ ބަލަން ފަށާފައިވާކަމަށެވެ.
ހަބީބް ވިދާޅުވި ގޮތުގައި، ވޯޓު ބޫތު ބަހައްޓާފައި ހުރި ގޮތުން ވޯޓުގެ ސައްހަކަން ގެއްލޭ ކަމުގެ ޝަކުވާ ވެސް ލިބެއެވެ. ލަފާދޭ ކޮމިޓީން އެކަމާ ގުޅޭ ގޮތުން މަޝްވަރާ ކުރި ކަމަށާއި އެންމެ ރަނގަޅަށް އެކަން ކުރެވޭނެ ގޮތެއް ބަލައި ހައްލުކުރާނެއެވެ. އޭނާ ވިދާޅުވި ގޮތުގައި، ވޯޓު ކަރުދާހުގައި ފާހަގަ ޖަހާ ތަން ބެލުމަކީ ކުށެކެވެ.
ގާނޫނާއި ގަވައިދާ ހިލާފު އެފަދަ އަމަލުތައް ނުކުރަން އެދެން.
– އޭނާ ވިދާޅުވިއެވެ.
ހަބީބް ވިދާޅުވީ އެކަން ކުރި މީހާގެ މައްސަލަ ޕީޖީއަށް ހުށަހަޅާފައިވާކަމަށެވެ. މައިގަނޑު ގޮތެއްގައި އިންތިޚާބުގެ ކަންކަން ކުރިއަށް ދަނީ އަމާން ކަމާއިއެކުގައިކަމަށް ހަބީބް ވިދާޅުވިއެވެ.
