އެތައް ހާސް ބަޔަކާއިއެކު އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒުގެ ކެމްޕޭން ނިންމާ ހިނގާލުން ފަށައިފިއެވެ.
ޕީޕީއެމް/ޕީއެންސީން އިންތިޒާމު ކުރާ މި ހިނގާލުން ފަށާފައިވަނީ ހަވީރު 3:45 ގައެވެ. މި ހިނގާލުން މާލޭގެ ބޮޑެތި މަގުތަކުގައި ކުރިއަށް ގެންދިއުމަށް ހަމަޖެހިފައިވެއެވެ. މި ހިނގާލުމުގައި މުއިއްޒުގެ އިތުރުން ރަނިންމޭޓް ހުސެއިން މުހައްމަދު ލަތީފް ވެސް ބައިވެރިވެވަޑައިގަންނަވާނެއެވެ.
މިހިނގާލުމަކީ ޕީޕީއެމް އިން މިފަހުން ބޭއްވި އެންމެ ބޮޑު ހިނގާލުމެވެ. މި ހިނގާލުމުގައި އެތައް ހާސްބަޔަކު ގެންދަނީ ބައިވެރިވަމުންނެވެ. ހިނގާލުމުގެ ދިގު ސަފު ކޮޅާކޮޅު ނުފެނެއެވެ.
Manikaa mikamaa nimeege…VOTE Dr Mohamed Muizzu4️⃣✅”#Vote4Muizzu#DrMuizzuSembe2023 pic.twitter.com/Dd36dwZO9z
— Azhart (@Azhartu) September 8, 2023
މާލޭގައި ބާއްވާ ބޮޑު ހިނގާލުމުގެ އިތުރުން އަތޮޅު ތެރޭގެ ރަށްތަކުގައިވެސް ކެމްޕޭން ނިންމުމަށް އެކި ހަރަކާތްތައް ދަނީ ކުރިއަށެވެ. ރިިޔާސީ އިންތިހާބުގައި ވޯޓުލުން އޮންނާނީ މާދަމާ ހެނދުން ފެށިގެން ހަވީރަށެވެ. މުއިއްޒު ވަނީ ހުރިހާ ރައްޔިތުން ވެސް ވީހާވެސް ހެނދުނަކާ ނިކުމެ ވޯޓުގެ ކަންކަން ނިންމުމަށް އިލްތިމާސް ކުރައްވައިފައެވެ.
ދިވެހީންގެ ކެނޑިޑޭޓް – ކެނޑިޑޭޓް ނަންބަރ 4 ޑރ.މުޢިއްޒަށް ވޯޓު ދެއްވާ ✅ #Vote4Muizzu#DrMuizzuSembe2023#DhiveheengeRaajje#FreePresidentYameen pic.twitter.com/dGSpJHQF8r
— Progressive Party of Maldives (@ProgressPartyMV) September 8, 2023
ރިޔާސީ އިންތިހާބަށް ކެމްޕެއިން ކުރުމުގެ ސުންގަނޑި ހަމަވާނީ މިއަދު އިރުއޮއްސި ހައެއް ޖަހަން ދެނެވެ. މިއަދު އިރުއޮއްސި ހަޔަކުން ފެށިގެން މާދަމާ އިރުއޮއްސި ހައެއްގެ ނިޔަލަށް ކެމްޕެއިން ކުރުމަކީ ގާނޫނީ ގޮތުން މަނާ ކަމެކެވެ.
