މާލެއާއި ކައިރީގައި ވިލިމާލެ އޮތުމަކީ ވިލިމާލެ ބާކީކޮށް އެކަހެރި ކުރަންޖެހޭ އެއްވެސް ސަބަބެއް ނޫންކަމަށާއި، ވިލިމާލެ ތަރައްޤީކޮށް މާލެއަށް އަންނަން ނުޖެހޭ ވަރަށް ތަރައްޤީ ކޮށްދޭނެކަމަށް ޕީޕީއެމް/ޕީއެންސީގެ ރިިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވިއެވެ.
ރިޔާސީ ކެމްޕޭންގައި ވިލިމާލޭގެ ރައްޔިތުންނާއި ބައްދަލު ކުރައްވާ މުއިއްޒު ވިދާޅުވީ މިސަރުކާރުން ވިލިމާލޭގެ ތަރައްޤީ އެތައް އަހަރެއް ފަހަތަށް ޖައްސާލާފައިވާކަމަށެވެ. ވިލިމާލެއަކީ ވަރަށް އަހައްމިއްޔަތުކަން ދެވި މާލެއެކޭ އެއްގޮތަށް ޚިދުމަތްދެވޭ ތަނަކަށް ހަދާ ދެއްވާނެކަމަށް މުއިއްޒު ވިދާޅުވިއެވެ.
މިއީ މާލޭގެ އެއްބައި. ސަރުކާރުގެ ހުރިހާ ނިޒާމެއްގެތެރެއިން މިކަން އަޅުގަނޑު ދައްކާ ދޭނަން. ނަންބޯޑެއް ޖަހާފައިވާ ހޮސްޕުޓަލު ހުރިހާ ވަސީލަތްތައް ފުރިހަމަ ވެފައިވާ ހޮސްޕިޓަލަކަށް ބަދަކުކޮށްދޭނަން. ޑރ.މުއިއްޒު ވިދާޅުވިއެވެ.
މުއިއްޒު ވިލިމާލެއަށް ވެވަޑައިގެންނެވި ބައެއް ވައުދުތައް:
– ގެދޮރުވެރިކަން ކަށަވަރު ކޮށްދިނުން
– އިމާރާތް ކުރެވޭ އުސްމިން 10 ބުރިއަށް ހެދުން
– ލުއިލޯނު ލިބޭ ގޮތް ހަމަޖެއްސުން
– މަގު ހެދުން
– ޒުވާނުން ބޭނުންވާ ވަސީލަތްތައް ގާއިމް ކުރާނަން
– ފުޓްސަލް ދަނޑާއި، އެހެނިހެން ކުޅިވަރު ވަސީލަތްތައް ތަރައްޤީ ކޮށްދޭނަން
މުއިއްޒު ވިދާޅުވީ ވިލިމާލެ ތަރައްޤީ ކުރާނީ މިހާރުވެސް އޮތް ގޮތަށް އިންޖީނުލީ ދުއްވާ އުޅަނދުތައް ނުދުވޭ ގޮތަށް ތިމާވެއްޓާއި ރައްޓިހި ގޮތަކަށް ކަމަށެވެ. އަދި އެކަން ކުރާއިރު ރައްޔިތުންނަށް ފަސޭހަ ވާނޭ ހުރިހާ އިންތިޒާމުތަކެއް ގާއިމްކޮށް ހަމަޖައްސަވާ ދެއްވާނެކަމަށް މުއިއްޒު ވިދާޅުވިއެވެ.
