ބޮލީވުޑްގެ ސްޕަސްޓާރު ޝާހުރުކް ހާންގެ އުންމީދީ ފިލްމް "ޖަވާން" މިއަދު ސިނަމާތަކަށް ގެނެސްފި އެވެ.
ދުނިޔޭގެ އެކި ހިސާބުތަކުގައި މި ފިލްމު މިއަދު ދައްކަން ފެށި އިރު، މިއީ މި އަހަރުގެ ބޮލީވުޑްގެ އެންމެ އުންމީދީ އެއް ފިލްމެކެވެ. ހަފްތާ ބަންދާއި ދިމާކޮށް މި ފިލްމް އެޅުވި އިރުގައި އެންމެ ގިން މީހުން ބަލަން ބޭނުންވަނީ ޝާހުގެ މި ފިލްމް އަށް އޭނާގެ އެނބުރި އައުން ފާހަގަކުރި ފިލްމް "ޕަޓާން" އިން ހެދި ރެކޯޑްތަށް މުގުރައި ލެވޭތޯއެވެ.
"ޖަވާން" އަކީ ޖެނުއަރީގައި ރިލީޒްކޮށް، ބޮކްސް އޮފީހުގައި އާ ރެކޯޑްތަކެއް ހެދި ޝާހްރުކްގެ "ޕަތާން" ގޮތަށް އެކްޝަން ތުރިލާއެކެވެ. "ޖަވާން" އިން ޝާހުއާއި އެކުގައި ފެނިގެންދިއައީ ދީޕިކާ ޕަދުކޯން އާއި ޖޯން އަބްރަހަމްއެވެ.
"ޖަވާން" އަކީ ބޮލީވުޑާއި ދެކުނު އިންޑިއާގެ ކާސްޓެއް އެކުލެވޭ ފިލްމެކެވެ. މީއީ ތަމަޅަ ޑައިރެކްޓަރު އެޓްލީ ހަދާފައިވާ އެކްޝަން ތުރިލާއެކެވެ. "ޖަވާން" ގެ ކާސްޓްގައި ސާނިއާ މަލްއުތުރާ، ސުނިލް ގްރޯވާ، ވިޖޭ ސެތުޕަތީ، ޕްރިޔާމަނީ، ޔޯގީ ބާބޫ، ރިދިމާ ޑޮގްރާ އަދި އާސްތާ އަގަރްވާލް ހިމެނެ އެވެ. މީގެ އިތުރުން ފިލްމުގެ ހާއްސަ ފެނިލުންތަކުން ސަންޖޭ ދަތާއި ދީޕިކާ ޕަދްކޯންގެ އިތުރުން ތަމަޅަ އެކްޓަރު ވިޖޭ ވެސް ފެންނާނެ
