ޤައުމުގެ ވެރިކަމަކީ އެއީ އެއްވެސް ހާލެއްގައި ޝަރަފެއް ނޫންކަމަށާއި، އެއީ މަތިވެރި މަސްއޫލިއްޔަތެއް ކަމަށް ދީނީ އިލްމުވެރިޔާ އަދި ކުރީގެ އިސްލާމިކް މިނިސްޓަރ ޑރ.މުހައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ރިޔާސީ ކެމްޕޭންފައި ޕްރޮގްރެސިވް ކޯލިޝަނުން މިރޭ ލ.ގަމުގައި ބޭއްވި ޖަލްސާގައި ވާހަކަ ދައްކަވަމުން ޑރ.ޝަހީމް ވިދާޅުވީ ރިޔާސީ އިންތިޚާބުގެ ވޯޓުލުމާއި ދާދި ގާތްވެފައިވާއިރު ރައްޔިތުން ނިންމާ ނިންމުމަކީ ވަކި މީހަކަށް ޝަރަފެއް ހޯދުމަށް ނިންމާ ނިންމުމަކަށް ވެގެން ނުވާނެކަމަށެވެ. ރައީސް ކަމަކީ އެކަމުގައި ވަރަށް ބޮޑު މަސްއޫލިއްތެއް އޮތް ކަމަކަށްވާއިރު އެމަސްއޫލިއްތު އަދާނުކުރެވޭ މީހަކަށް މަސްއޫލިއްޔަތު ހަވާލުކޮށްގެން ޤައުމަށް ވީގޮތް ރައްޔިތުންނަށް މިހާރު ފެންނަމުންދާކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ މިފަހަރުގެ އިންތިޚާބުގައި ވާދަކުރައްވާ ކެންޑިޑޭޓުންގެ ތެރެއިން އެއްވެސް ސުވާލެއްނެތި ތައުލީމީ ޤާބިލް ކެންޑިޑޭޓަކީ ޑރ.މުއިއްޒު ކަމާއިމެދު އެއްވެސް ޝައްކެތް ނެތްކަމަށެވެ. ޑރ.މުއިއްޒަކީ މިއަދު ޤައުމު އޮތް ހާލަތުން ނަގާ ކޮޅަށް ޖެހޭނެ ވަރުގެ ޤާބިލްކަމާއި އިލްމުހުރި ހަމައެކަނި ކެންޑިޑޭޓް ކަމަށް ޑރ.މުއިއްޒު ވިދާޅުވިއެވެ.
ރައީސް ކަމުގެ މަސްއޫލިއްޔަކީ އެއީޝަރަފެއް ނޫން. އެއީ ބޮޑު މަސްއޫލިއްޔަތެއް. އެމަސްއޫލިއްޔަަތު އަދާކުރެވޭ ބޭފުޅަކަށް މިއިންތިޚާބުގައި ހުންނެވި ބޭފުޅަކީ ޑރ.މުއިއްޒު. އެމަނިކުފާނަކީ ތައުލީމީ ޤާބިލް ބޭފުޅެއް.
– ޑރ.ޝަހީމް ވިދާޅުވިއެވެ.
ޝަހީމް ވިދާޅުވީ މިސަރުކާރުން މުއިއްޒާއި ގުޅޭގޮތުން ދައްކާނެ އެއްވެސް ވާހަކައެއް ނެތިގެން މިހާރު ދައްކާ ވާހައަކީ ތަރައްޤީ ހުއްޓުވައި ޕްރޮޖެކްޓްތައް ހުއްޓާލާނެކަމުގެ ވާހަކަ ކަމަށެވެ. ނަމަވެސް ތަރައްޤީގެ ފިކުރަކުން ތަރައްޤީ ގެނެސްދިން ބަޔަކު މިޤައުމުގެ ތަރައްޤީ ހުއްޓުވާލާނެކަމަށް ބުނުމުން ގަބޫލު ކުރާނެ އެއްވެސް ރައްޔިތަކު ނުހުންނާނެކަމަށް ޝަހީމް ވިދާޅުވިއެވެ.
ޝަހީމްވަނީ އަންނަ ހޮނިހިރު ދުވަހު ހުރިހާ ރައްޔިތުން ނިކުމެ ޑރ.މުއިއްޒަށް ވޯޓު އަޅާ ވޯޓުފޮށި ފުރާލުމަށް ގޮވާލާފައެވެ. އަދި މިޤައުމުގެ މިނިވަންކަމާއި އިސްލާމީ ވަހުދަތު ނެގެހެއްޓުމަށް ޑރ.މުއިއްޒު އިންތިޚާބު ކޮށްދެއްވުމަށް ޝަހީމް ވަނީ ގޮވާލާފައެވެ.
