ލަންކާގައި ދިރިއުޅޭ ދިވެހިންގެ ތެރެއިން ގިނަ ބަޔަކު ޑރ.މުއިއްޒުއަށް ތާއީދުކޮށް، ޕީޕީއެމްއަށް ސޮއިކުރީ މިއަދު ހަވީރު ޑރ.މުއިއްޒުގެ ކެމްޕޭނަށް އެމަނިކުފާނުގެ ފަރާތްޕުޅުން ލަންކާއަށް ވަޑައިގެންނެވި ޕީއެންސީގެ ނައިބް ރައީސް އިބްރާހިމް ޝުޖާއާއިއެކު ބޭއްވި ބައްދަލުވުމުގައެވެ.
މިބައްދަލުވުމުގައި ގިނަ އަދަދެއްގެ ބަޔަކު ބައިވެރިވިއިރު، ޝުޖާ ވަނީ ލަންކާގައި ދިރިއުޅުއްވާ ދިވެހި ރައްޔިތުންނަށް ޑރ.މުއިއްޒުގެ މެނިފެސްޓޯގައި އިސްކަން ދެއްވާފައިވާ ކަންތައްތައް ހިއްސާ ކުރައްވާފައެވެ.
މިބައްދަލުވުމުގައި ސޮއިކުރި މީހުންގެ ތެރޭގައި 18 އަހަރު ފުރުނު ޒުވާނުންނާއި، ލަންކާގައި ދިރިއުޅޭ ދިވެހި އެކި އުމުރުފުރާގެ މީހުން ހިމެނެއެވެ.
ލަންކާގައި ދިރިއުޅޭ ދިވެހިންގެ ތެރޭގައި ރިޔާސީ ކެމްޕޭންގެ ފޯރި ގަދަވެފައިވާއިރު، ދާދިފަހުން އެމްޑީޕީންވެސް ވަނީ ލަންކާގައި ދިރިއުޅޭ ދިވެހިންނާއި ބައްދަލުކޮށްފައެވެ.
