ޕީޕީއެމް/ޕީއެންސީ ކޯލިޝަނުގެ ރިޔާސީ ކެންޑިޑޭޓު ޑރ.މުއިއްޒު ލ. އަތޮޅަށް ވަޑައިގަތުމުން އެމަނިކުފާނަށް ފަހުގެ ތާރީހެއްގައި ސިޔާސީ ލީޑަރަކަށް ނުކިޔާވަރުގެ ހޫނު މަރުހަބާއެއް ކިޔައިފިއެވެ.
ކައްދޫ އެއާޕޯޓު އެރައިވަލް ސަރަހައްދުގައި މަނިކުފާނަށް މަރުހަބާ ދެންނެވުމަށް ދަމާލި ސަފު, ކައްދޫ-ފޮނަދޫ ކޯޒްވޭއާ ހަމައަށްއޮތެވެ. އަދި އާންމުންނާ ސަލާމް ކުރެއްވުމަށް ޑރ.މުއިއްޒު 45 މިނިޓު ހޭދަކުރެއްވިއެވެ.
މިރޭ ޑރ.މުއިއްޒުގެ ކެމްޕެއިން ޖަލްސާއެއް ލ.ފޮނަދޫގައި ބޭއްވުމަށް ވަނީ ހަމަޖެހިފައެވެ. މި ޖަލްސާގައިވެސް ގިނައަދަދެއްގެ މީހުން ބައިވެރިވާނެ ކަމަށް ލަފާކުރެވެއެވެ.
PPM PNC ge Riyaasy Candidate Dr. Mohamed Muizzu ah L. Kadhdhoo in hoonu maruhabaa eh @MMuizzu#Vote4Muizzu#DrMuizzuSembe#DhiveheengeRaajje #FreePresidentYameen pic.twitter.com/x4ZEmQX6LI
— Progressive Party of Maldives (@ProgressPartyMV) September 1, 2023
ޑރ.މުއިއްޒު ލާމު އަތޮޅަށް ކުރައްވާ ދަތުރުފުޅު ނިންމަވާލެއްވުމަށްފަހު މާލެ ވަޑައިގަތުމަށް ހަމަޖެހިފައިވަނީ މާދަމާގެ ވަގުތެއްގައެވެ. އަދި މާދަން ރޭ ސަންގުޓީވީ އިންތިޒާމު ކުރާ ރިޔާސީ ކެންޑިޑޭޓުންގެ ބަހުސްގައި ޑރ.މުއިއްޒު ބައިވެރިވެވަޑައިގަންނަވާނެއެވެ.
