މާދަމާ ދައްކާލުމަށް ނިންމައިފައިވާ ފިލްމް "ޖަވާން" ގެ ތްރެއިލާ ރަސްމީކޮން ލޯންޗް ކުރުން އޮންނާނީ ބުރުޖް ޚަލީފާގައި ކަމަށް ބުނެފިއެވެ.
ވަރަށް ކުލަގަދަކޮން ފިލްމްގެ ޓްރެއިލާ ރިލިޒް ކުރުން ބާއްވާ އިރުގައި މި ހަރަކާތަށް ޝާހުރުކް ހާން ދުބާއީ އަށް ދާނެ ކަމަށް ވެއެވެ. މި އިވެންޓުގައި އޭނާގެ ފޭނުން ބައްދަލުކޮށް އެމީހުންނާއި އެކުގައި ވަގުތު ހޭދަކުރާނެ ކަމަށް ވެސް މައުލޫމާތު ލިބެއެވެ.
އެކަން އިއުލާން ކުރަމުން ޝާހްރުކް އޭނާގެ ސޯޝަލް މީޑިއާގައި ބުނެފައިވަނީ ސަޕޯޓަރުންނާއެކު ޖަވާންގެ އުފާ ފާޅު ކުރުމަށް ދުބާއީއަށް ދާން ތައްޔާރު ވަމުން އަންނަ ކަމަށެވެ.
"ޖަވާން" ގައި ޝާހްރުކްގެ ޑަބަލް ރޯލެއް ފެނިގެން ދާނެ އެވެ. މީއީ ތަމަޅަ ޑައިރެކްޓަރު އެޓްލީ ހަދާފައިވާ އެކްޝަން ތުރިލާއެކެވެ. ޓީޒާގައި ވެސް ވަރަށް ގިން އެކްޝަން މަންޒަަރުތަށް ވަނީ ހިމަނާފައިއެވެ.
މި ފިލްމް އަކީ ވަރަށް އުންމީދީ ފިލްމްއެކެވެ. ދެފަހަރެއްގެ މަތިން ފިލްމް އަޅުވާ ދުވަސް ބަދަލު ކޮށްފައިވާ މި ފިލްމް އަކީ ލީޑުން ޝާހުރުކް އާއި ސައުތުގެ މަޝްހޫރު ބަތަލާ ނަޔަންތަރާ ފެނިގެންދާ ފިލްމްއެކެވެ. މި ފިލްމް އަކީ ނަޔަންތަރާގެ ބޮލީވުޑް ޑެބިއު ވެސް މެއެވެ.
"ޖަވާން" ސިނަމާތަކަށް ގެންނަން ނިންމާފައި އޮތީ ސެޕްޓެމްބަރު 7 ގަ އެވެ. އޭނަގެ ރެޑް ޗިލީޒް އެންޓަޓައިންމަންޓުން ޕްރޮޑިއުސްކޮށްފައިވާ ފިލްމުގެ ޑައިރެކްޓަރަކީ އެޓްލީ އެވެ. "ޖަވާން" ގެ ކާސްޓްގައި ވިޖޭ ސެތުޕަތީ، ސާނިއާ މަލްއުތުރާ، ސުނިލް ގްރޯވާ، ޕްރިޔާމަނީ، ޔޯގީ ބާބޫ، ރިދިމާ ޑޮގްރާ އަދި އާސްތާ އަގަރްވާލް ހިމެނެ އެވެ.
ކޮމެންޓު ފޮނުވާ