ދުވާފަރު ކައުންސިލް އެމްޑީޕީ މެމްބަރު މުހައްމަދު ޝާމް އާއި މުއިއްޒުއަށް ތާއީދުކޮށް ޕީޕީއެމްއަށް ސޮއިކޮށްފިއެވެ.
މިރޭ ދުވާފަރުގައި ބޭއްވި ޕީޕީއެމްގެ ފޯރިފަދަ ކެމްޕޭން ޖަލްސާގައި މިބޭފުޅުންގެ ފޯމާއި ހަވާލުވީ ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުއާއި، ޕްރޮގްރެސިވް ކޮންގްރެސް ކޯލިޝަން ހިންގެވުމާއި ހަވާލުވެ ހުންނެވި އަބްދުއްރަހީމެވެ.
މިބޭފުޅުން ސޮއިކުރުމަށްފަހު ވާހަކަ ދައްކަވަމުން ޑރ.މުއިއްޒު ވިދާޅުވީ ދުވާފަރުން ފެނިގެންދަނީ މިވެރިކަން ބަދަލު ކުރަން އޮތް ފޯރިއާއި ޖޯޝު ކަމަށެވެ. ދުވާފަރު ރައްޔިތުން ތިއްބެވި ފޯރީގައި ރާއްޖޭގެ ހުރިހާ ރަށެއްގެ ހުރިހާ ރައްޔިތުންވެސް އެއްބައިވަންތަކަމާއިއެކު ކުރިއަށް އޮތް 10 ދުވަހު ކެނޑިނޭޅި މަސައްކަތް ކޮށްދެއްވުމަށް މުއިއްޒު ވަނީ އެދިވަޑައިގެންފައެވެ.
މިރޭގައި ދުވާފަރުގައި ބޭއްވި ފޯރިގަދަ ޖަލްސާގައި އެރަށުގެ ގިނަ އަދަދެއްގެ ބަޔަކުވެސް ވަނީ ގުޅިފައެވެ. މިބޭފުޅުން ވަނީ ކުރިއަށް އޮތް ރިޔާސީ އިންތިޚާބު ޑރ.މުއިއްޒުއަށް ކާމިޔާބު ކުރުމަށް ކުރެވެން އޮތް ހުރިހާ މަސައްކަތެއް ކުރާނެކަމަށް ވަނީ ވިދާޅުވެފައެވެ.
