ރިޔާސީ ކެމްޕޭންގައި އިދިކޮޅު ޕްރޮގްރެސިވް ކޮންގްރެސް ކޯލިޝަންގެ ފަރާތުން ވާދަކުރައްވާ ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒަށް އިންތިޚާބުގައި ވާދަކުރުމަށް ރިޔާސީ ޓިކެޓް ލިބި ކެމްޕޭން ކުރުމަށް ލިބިފައިވަނީ ވަރަށް ކުޑަ ދުވަސްކޮޅެކެވެ.

ކެމްޕޭނަށް އަތޮޅުތަކަށް ދަތުރު ފެށުމުގެ ކުރިން ދރ.މުއިއްޒު މުޅި ރާއްޖޭގެ ރައްޔިތުންނަށް ވިދާޅުވީ ކެމްޕޭންގައި ވަގުތު އޮތް ވަރަކުން ވީހާވެސް ގިނަ ރަށްތަކަށް ދިއުމަކީ އެންމެ ބޮޑު އިސްކަމެއް ދެއްވާނެ އެއްކަންތައް ކަމަށެވެ. މުއިއްޒު ކެމްޕޭންގައި މިހާތަނަށް ބޮޑު ތިލަދުންމަތިން ފެށި ދަތުރުގައި ގިނަ ރަށްތަކަށް ވަޑައިގެން ކެމްޕޭންގެ މަސައްކަތް ވަރަށް ބުރަކޮށް ގެންދަވަނީ ކުރައްވަމުންނެވެ.

ކެމްޕޭންގައި އުޅުއްވަމުން ޑރ.މުއިއްޒުގެ ފަރާތުން ފެންނަ އެންމެ ތަފާތު އެއް މަންޒަރަކީ ނަމާދު ވަގުތު ޖެހުމާއިއެކު ކެމްޕޭން ހަރަކާތްތައް މެދު ކަނޑާލައި ނަމާދަށް ވަޑައިގެންނެވުމެވެ. ދަތުރުތައް އޮންނަ ގޮތުން ދުވާލަކު 5 ނޫނީ 6 ރަށަށް މުއިއްޒު ވަޑައި ގަންނަވައެވެ. ރަށްތަކަށް ވަޑައިގަންނަވާއިރު ޢާންމުކޮށް މެންދުރު ނަމާދާއި، އަަސުރު ނަމާދު ދިމާވަނީ ކޮންމެވެސް ރަށެއްގައި ކެމްޕޭން ހަރަކާތުގައި އުޅުއްވާ ވަގުތާއެވެ.

މިއަދުވެސް ރ.މީދޫއަށް ވަޑައިގެން އުޅުއްވަނިކޮށް އަސުރު ވަގުތު ޖެހުމާއިއެކު މުއިއްޒު ވަނީ ރައްޔިތުންނާއި ބައްދަލުކޮށް ދެއްކި ވާހަކުގައި މުހިންމު މެސެޖުތަކެއް ދެއްވުމަށްފަހު ޖަލްސާ ނިންމަވާލައްވާފައެވެ. އަދި މީގެ ކުރިންވެސް ވަޑައިގެންނެވި ރަށްތަކުގައި ނަމާދު ވަގުތާއި ދިމާވުމުން މުއިއްޒު ވަނީ ޖަލްސާ ކުރުކޮށްލުމަށްފަހު ނަމާދަށް ވަދައިގަންނަވާފައެވެ.

މިއީ މިފަހަރުގެ ރިޔާސީ އިންތިޚާބުގައި ފެންނިގެންދާ ވަރަށް ހިތްގައިމު އަދި އިސްލާމީ މުޖުތަމައުއެއްގައި އާލާވާންޖެހޭ ކަމެއްކަމަށް ސޯޝަލް މީޑިއާގައި ކޮމެންޓް ކުރި ފަރާތްތަކުން ވަނީ ބުނެފައެވެ. މުއިއްޒަކީ އިސްލާމް ދީނުގެ އުސޫލުތަކާއި އަސްލުތަކަށް ވަރަށް ބޮޑަށް ބާރު އަޅުއްވާ ދީނީ ކަންކަމަށް ޚާއްސަ އަހައްމިއްޔަތެއް ދެއްވާ ބޭފުޅެކެވެ.

މާލެ ސިޓީ ކައުންސިލްގެ މޭޔަރު ކަމާއިހަވާލުމަށްފަވެސް މުއިއްޒު ވަނީ މާލޭގެ މިސްކިތްތަކުގެ އާބާތުުރަ ފިލުވުމާއި، މިސްކިތްތައް އޭސީ ކުރުމާއި ކާޕެޓް ބަދަލު ކުރުންފަދަ މަސައްކަތް ކުރައްވާފައެވެ. އަދި މާލޭގައި ނިމިދިޔަ އީދުގައި ވަނީ ތަކްބީރު އިއްވޭގޮތަށް މާލޭގެ އެކި ސަރަހައްދު ތަކުގައި އިލެކްޓްރިކް ސިސްޓަމްތަކެއްވެސް ހަރުކޮށްފައެވެ.