ގއ.ކޮލަމާފުށީގައި ހިނގި ސިޔާސީ ޒުވާބެއްގައި އެމްޑީޕީ މީހަކު ޕީޕީއެމް މީހެއްގެ ލޯމަތީގައި ޖަހާ މާރާ މާރީ ހިންގައިފިއެވެ.
މިހާދިސާ ހިނގީ މީގެ އިރުކޮޅެއް ކުރިންނެވެ. މިހާދިސާ ހިނގިވަތު އެތާ ހުރި މީހަކު ބުނީ މިހާދިސާ ހިނގީ އެރަށު ޕީޕީއެމް މީހަކާއި އެމްޑީޕީ މީހަކާިއ ދެމެދު ހިނގި ސިޔާސީ ޒުވާބެއްގެ ތެރެއިން ކަމަށެވެ. ދެމީހުން ރައީސް ޔާމީނާއި، ރައީސް ޞާލިހާއި ދެމެދު ހުރި ތަފާތު ދައްކައި ކުރި ހޫނު ޒުވާބުގައި އެމްޑީޕީ މީހާ ވަނީ ޕީޕީއެމް މީހާގެ ލޯ މަތީ ޖަހާފައެވެ.
އޭނާގެ ލޯމަތީގައިި ޖެހުމުން އިތުރު ފަރުވާއަށް މަރުކަޒުގައި ވަނީ އެޑްމިޓް ކޮށްފައެވެ. މައުލޫމާތު ލިބިފައިވާ ގޮތުގައި އޭނާގެ އެލޮލަށް ނުފެނި އިތުރު ފަރުވާއަށް ތިނަދޫ ނޫނީ ވިލިނގިއްޔަށް ފުރުވާލުމަށް ދަނީ މަސައްކަތް ކުރަމުންނެވެ. އަނިޔާ ވެފައިވަނީ އުމުރުން 35 އަހަރުގެ ޒުވާނަކަށެވެ.
މިހާދިސާ ހިނގާފައިވަނީ އެރަށު ށު ބޮޑުމަގު ހަތަރު އަގޮޅި ކަންމަތީގައި ހަރުކޮށްފައި ހުރި މުއިއްޒުގެ 4 ނަންބަރު މޮނިއުމަންޓް ކައިރީގައެވެ.
މިމޮނިއުމަންޓް ހަލާކު ކޮށްލުމަށްވެސް ބަޔަކު މަސައްކަތް ކޮށްފައިވާކަމަށް މައުލޫމާތު ލިބެއެވެ. މިހާދިސާއާއި ގުޅިގެން ފުލުހުން އަދި އެއްވެސް އެއްޗެއް ބުނެފައިނުވެއެވެ.
