ގއ.ވިލިނގިއްޔަކީ ރައީސް ޔާމީންގެ ފިކުރަށް ތާއީދުކުރާ ޕީޕީއެމްގެ ކިއްލާއެއް ކަމަށާއި، މިއިންތިޚާބުގައި އެމްޑީޕީ ފެންނަނީ ވިލިނގިލީގައި ތިންވަނާގައި އޮތްތަން ކަމަށް ޕީއެންސީގެ ނައިބް ރައީސް އިބްރާހިމް ޝުޖާ ވިދާޅުވެއްޖެއެވެ.
މިރޭ ވިލިނގިލީގައި ބޭއްވި ފޯރިގަދަ ޖަލްސާގައި ވާހަކަ ދައްކަވަމުން ޝުޖާ ވިދާޅުވީ ވިލިނގިލީގެ ރައްޔިތުން މިއަދު ޕީއެންސީގެ ރިިޔާސީ ކެންޑިޑޭޓަށް ކީ ހޫނު މަރުހަބާއަކީ ވިލިނގިލީގައި ޕީޕީއެމް އޮތް ވަރާއި، އޮތް ތާއީދު ފެނިގެންދިޔަ ކުޑަ މިންވަރެއްކަމަށެވެ. ވިލިނގިއްޔަކީ އަބަދުވެސް ޕީޕީއެމްގެ ފިކުރު ބޮޑު ޕީޕީއެމްގެ ކިއްލާއެއްކަމަށް ޝުޖާ ވިދާޅުވިއެވެ.
ވިލިނގިލިން ޕީޕީއެމް ފޮހެލުމަށް ރޭވިގެން މަސައްކަތްތަކެއް ކުރެވުނު ނަމަވެސް އެކަން ކާމިޔާބު ނުވީ ވިލިނގިލީގައި މިފިކުރު އޮތްލެއް ބޮޑުކަމުން ކަމަށް ޝުޖާ ވިދާޅުވިއެވެ. ޝުޖާ ވިދާޅުވީ ޕީޕީއެމްގެ ފިކުރާއި ދުރަށް ދިއުމަކީ އެއްވެސް ރައްޔިތަކަށް ފަސޭހަ ކަމެއް ނޫންކަމަށެވެ. ސަބަބަކީ ޕީޕީއެމްގެ ފިކުރަކީ ރާއްޖޭގެ ތަރައްޤީއާއި ކުއެރުމާއި މިނިވަންކަން ދަމަހައްޓާ ފިކުރަށް ވާތީކަމަށެވެ. ޝުޖާ ވިދާޅުވީ މިއަދާއި މިރޭ ވިލިނގިލިން ދެއްކި މަންޒަރަކީ މިއިންތިޚާބުގައި ވިލިނގިލީގެ ސާފު އައުލަބިއްޔަތުން މުއިއްޒު އިންތިޚާބު ކާމިޔާބު ކުރާނެތަން ކަމަށެވެ.
އަޅުގަނޑުމެންނަށް މިފެނުނު މަންޒަރަކީ އަދި ޔަގީންވާ ކަމަކީ މިއިންތިޚާބުގައި ވިލިނގިލިން އެމްޑީޕީ ތިން ވަނައަށް ދާކަން. މިއިންތިޚާބުގައި އަޅުގަނޑުމެންނަށް ވިލިނގިލީ ޕީޕީއެމްގެ ކިއްލާއިން ސުޕަ މެޖޯރިޓީ ދޭނެ. ޑިމޮކްރެޓްސް ދެވަނަ ނަގާއިރު، އެމްޑީޕީ އޮތީ ތިން ވަނާގަ.
– ޝުޖާ ވިދާޅުވިއެވެ.
ޝުޖާ ވިދާޅުވީ މިއިންތިޚާބުގައި ރައްޔިތުންނަށްވެސް ކުރަންޖެހޭ މަސައްކަތްވެސް އެންމެ ލުއިވާނެ ގޮތަކީ އަދި ދައުލަތަށްވެސް އެންމެ ޚަރަދުވާނެ ގޮތަކީ މިއިންތިޚާބު އިތުރު ބުރަކަށް ނުގޮސް އެއްބުރުން ނިންމާލުންކަމަށެވެ. އެކަން ކުރުމަށް ދިވެހި ރައްޔިތުން ތިބީ ޑރ.މުއިއްޒާއި ބަޢައަތު ހިފައިިގެން ކަމަށް ޝުޖާ ވިދާޅުވިއެވެ.
