ޚަބަރު އޮންލައިނުން ކުރިއަށް ގެންދިޔަ ޚިޔާލް ހޯދުމުގެ ޕޯލްގައި ރިޔާސީ އިންތިޚާބު ބޮޑުތަނުން ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު ކާމިޔާބު ކުރާނެކަމަށް ދައްކައިފިއެވެ.
ރިޔާސީ އިންތިޚާބަށް 12 ދުވަހަށް ވެފައިވާއިރު އިންތިޚާބުގެ ވާދަވެރިކަން އެންމެ ބޮޑު ދެކެންޑިޑޭޓުން ކަމުގައިވާ އެމްޑީޕީގެ ކެންޑިޑޭޓް ރައީސް އިބްރާހިމް މުހައްމަދު ޞާލިހާއި، ޕީއެންސީގެ ކެންޑިޑޭޓް ޑރ. މުހައްމަދު މުއިއްޒުގެ މެދުގައި ޚަބަރު އޮންލައިނުން ކުރިއަށް ގެންދިޔަ ޢާންމުންގެ ޚިޔާލް ހޯދުމުގެ ޕޯލްގައި އިންތިޚާބު ކާމިޔާބު ކުރާނެކަމަށް ގިނަ ބަޔަކު ބުނީ ޑރ. މުއިއްޒުއެވެ.
ޑރ. މުއިއްޒު މުއިންތިޚާބު ކާމިޔާބު ކުރައްވާނެކަމަށް، މި ޕޯލަށް ވޯޓުލީ މީހުންގެ 63 އިންސައްތަ މީހުން ވަނީ ބުނެފައެވެ. ރައީސް ޞާލިހު އިންތިޚާބު ކާމިޔާބު ކުރާނެކަމަށް ބުނެފައިވަނީ 37 އިންސައްތަ މީހުންނެވެ. މިޕޯލްގެ ނަތީޖާއަށް ބަލާއިރު ވޯޓުލީ މީހުންގެ ތެރެއިން ބޮޑު ޕަސެންޓެއް ބުނެފައިވަނީ އިންތިޚާބު ޑރ.މުއިއްޒު ކާމިޔާބު ކުރާނެކަމަށެވެ.
⚠️ ޚިޔާލު ހޯދުމުގެ ވޯޓު 📣 | ވޯޓު 🗳️ ދެއްވާފަ, ރީޓުވީޓު 🔁 ކުރައްވާ!
✅ ތާއީދު ކުރަނީ ކޮން ކެނޑިޑޭޓަކަށް؟
🚨 މި ޕޮލްގައި ހިމަނާފައި ވާނީ, އެންމެ ގިނައިން ވޯޓު ހޯއްދަވާނެކަމަށް ލަފާ ކޮށްފައިވާ ދެ ކެނޑިޑޭޓުން!
✳️ އެހެން ކެނޑިޑޭޓުންނަށް ވޯޓު ދެއްވަން ބޭނުންވާނަމަ ކޮމެންޓުގެ…
— Khabaru Online (@KhabaruOnline) August 26, 2023
ޚަބަރު އޮންލައިނުން ރިޔާސީ އިންތިޚާބާއި ދިމާކޮށް ކެންޑިޑޭޓުންގެ މެދުގައި މީގެ ކުރިންވެސް ވަނީ ޕޯލްތަކެއް ކުރިއަށް ގެންގޮސްފައެވެ. އެގޮތުން މިހާތަނަށް ނެގުނު ޕޯލްތަކުގެ ނަތީޖާއަށް ބަލާއިރު، ރައީސް ޞާލިހު ވަނީ ފުރަތަމަ ޕޯލް ކާމިޔާބު ކުރައްވާފައެވެ. ދެވަނަ ޕޯލް ކާމިޔާބު ކުރެއްވީ ޤާސިމް އިބްރާހިމެވެ.
ރިޔާސީ އިންތިޚާބުގެ ވާދަވެރިކަން ބޮޑުވެފައިވާއިރު މިއިންތިޚާބުގެ ވާދަވެރިކަން އޮތީ ރައީސް ޞާލިހާއި، ޑރ.މުއިއްޒު އާއި ދެބޭފުޅުންގެ މެދުގައި ކަމަށް ގިނަ ބަޔަކު ދެކެއެވެ. އިންތިޚާބު އެއްބުރުން ކާމިޔާބު ކުރާނެކަމަށް ދެކެންޑިޑޭޓުންވެސް ދަނީ ބުނަމުންނެވެ. ނަމަވެސް މިހާރު ފެންނަ މަންޒަރަށް ބަލާއިރު އިންތިޚާބުގެ ދެވަނަ ބުރަކަށް ދާނެކަމަށް ވަރަށް ބޮޑަށް ބެލެވެއެވެ.
