ރިޔާސީ ކެމްޕޭންގައި ވަގުތު އޮތް ގޮތުން ރާއްޖޭގެ ހުރިހާ ރަށަކަށް ނުދެވުނު ނަމަވެސް ވެރިކަން ލިބިއްޖެނަމަ ތަރައްޤީގެ މަސައްކަތް ކުރިއަށް ގެންދާނީ އެއްވެސް ތަފާތު ކުރުމެއްނެތި ކަމުގައި ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.
ރިޔާސީ ކެމްޕޭންގައި ހުވަދު އަތޮޅު ދެކުނުބުރީ ނަޑެއްލާއަށް ވަޑައިގެން އެތަށުގެ ރައްޔިތުންނާއި ބައްދަލު ކުރައްވައި މުއިއްޒު ވިދާޅުވީ އިންތިޚާބުގެ ކެމްޕޭނަށް ރާއްޖޭގެ ހުރިހާ ރަށަކަށް ދިއުމަކީ ބޭނުންވި ކަމެއްކަމަށެވެ. ނަމަވެސް ވަގުތު އޮތް ގޮތުން ކެމްޕޭންގައި ހުރިހާ ރަށަކަށް ނުދެވިދާނެކަމަށް މުއިއްޒު ވިދާޅުވިއެވެ.
އަޅުގަނޑު ދަންނަވާީ ހުރިހަ ރަށަކަށް އަޅުގަނޑަށް ނުދެވިދާނެއޭ. އެހެން ނަމަވެސް ހުރިހާ ރަށެއްގެ ރައްޔިތުންނަށް ދެއްވަން އޮތް ޔަގީންކަމަކީ އަޅުގަނޑުގެ މެނިފެސްޓޯގައި ހިމަނާފައިވާ ކަންކަން އެއްވެސް ތަފާތުކުރުމެއްނެތ ކޮންމެ ރަށެއްގެ ކޮންމެ ރައްޔިތަކަށް ކޮށްދެއްވާނަމޭ.
– މުއިއްޒު ވިދާޅުވިއެވެ.
ނަޑެއްލާއަށް މުއިއްޒު ވެވަޑައިގެންނެވި ވައުދުތައް:
– ކުޅިވަރު ކުޅެވޭނެ ވަސީލަތްތައް ތަަރައްޤީ ކުރާނަން
– ސިއްޚީ މަރުކަޒަށް ވޯޑެއް އިތުރުކޮށް މުވައްޒިފުން އިތުރުކޮށްދޭނަން
– ސްކޫލަށް ބޭނުންވާ ޖާގައިގެ ދަތިކަން ހައްލުކޮށް ހެޔޮ ބަދަލުތަކެއް ގެންނާނަން
– ބަނދަރުގެ ބޮޑުކޮށް ބޮޑުހިލަ ޖަހާ ޒަމާނީ ބަނދަރެއް ތަރައްޤީ ކުރާނަން
PPM PNC ge Riyaasy Candidate Dr. Mohamed Muizzu Gdh Nadellaa ah vadaigathun @MMuizzu#Vote4Muizzu#DrMuizzuSembe2023#DhiveheengeRaajje#FreePresidentYameen pic.twitter.com/ye1ec2AvWQ
— Progressive Party of Maldives (@ProgressPartyMV) August 27, 2023
މުއިއްޒު ވިދާޅުވީ ނަޑެއްލާ ކައިރީގައި ހުރި ފަޅުރަށްތައް ރިސޯޓުތަކަށް ބަދަލުކޮށް ތަރައްޤީ ކުރައްވާނެކަމަށެވެ. މުއިއްޒު ވަނީ މިބައްދަލުުމުގައިވެސް ރައީސް ޔާމީން މިނިވަންކޮށް އެމަނިކުފާނު ޕީޕީއެމް، ޕީއެންސީގެ ސަޕޯޓަރުންނާއި ހަމައަށް ގެންނަވާނެކަަށްވެސް ވިދާޅުވެފައެވެ.
