ނަމޫނާ ދެއްކުމުގައި މީހާގެ މަޤާމާއި، ތަވަސްކަމަށް ބަލާކަށް ނުޖެހޭ ކަމަށާއި، ބަލަންވީ އަޤީދާއަށާއި، ޚުލްޤަށް ކަމުގައި މިއަދުގެ ހުކުރު ޚުތުބާގައި ބުނެފިއެވެ.
މިއަދުގެ ހުތުބާ މައިގަނޑ ގޮތެއްގައި އަލިއަޅުވާލައިފައި ވަނީ ހެޔޮ ނަމޫނާގެ ބޭނުންތެރިކަމުގެ މައްޗަށެވެ. ހުތުބާގައި ވިދާޅުވީ މުޖުތަމައުގެ ފަރުދުން ކިތަންމެ ރަނގަޅު ވިޔަސް އެ މީހުން ވެސް ތައުބާ ވާން ޖެހޭ ދިރިހުރި ނަމޫނާތަކެއް ބޭނުންވާނެ ކަމަށެވެ.
އެގޮތުން އިސްލާމީ އަގުތަކާއި އަހުލާގާއި ހުކުމްތަކާއި މީސްތަކުން ދުރުވަމުން ދިޔަ ވަރަކަށް ރަނގަޅު ނަމޫނާއަށް ބޭނުންވާ ވަރު ބޮޑުވާނެ ކަމަށް ވިދާޅުވެފައި ވެއެވެ. އަދި ނަމޫނާ ލިބޭނީ ބަހާއި އަމަލު އެއްގޮތް ކުރެވިގެން ކަމަށާއި މާތް ރަސްކަލާންގެ އަހަރުމެންނަށް ވަނީ ބަހާއި އަމަލު އެއްގޮތް ކުރުމަށް ވެސް އަންގަވާފައި ކަމަށް ހުތުބާގައި ވެއެވެ.
ނަމޫނާ ދެއްކުމުގައި، މީހާގެ މަޤާމަކަށް ބަލާކަށް ނުޖެހެއެވެ. އިޖުތިމައީ ދަރަޖައަކަށް ބަލާކަށް ނުޖެހެއެވެ. ތަނަވަސް ކަމަށް ބަލާކަށް ނުޖެހެއެވެ. މީޑިއާގައި އޭނާގެ އޮފުދާރުކަމަށް ބަލަކަށް ނުޖެހެއެވެ. މިކަމުގައި ބަލަން ބޭނުންވަނީ އަޤީދާއަށާއި، ޚުލްޤަށާއި، ޢަމަލަށެވެ.
– ޚުތުބާގައި ބުނެފައިވެއެވެ.
ކީރިތި ރަސޫލާގެ ދައުވަތުގައި ޒުވާނުން ތައްޔާރުކުރެއްވުމަށާއި އެ މީހުންގެ ޝަހުސިއްޔަތު ބިނާ ކުރެއްވުމަށް ހާއްސަ ސަމާލުކަމެއް ދެއްވި ނަމަވެސް ޒުވާނުންނަށް މިއަދު ކުރިމަތިވެފައިވާ މައްސަލަތަކުގެ ތެރޭގައި އަހަރުމެންގެ ކިބައިން އެ ކުދިންނަށް ހެޔޮ ނަމޫނާ ނުފެނުން ހިމެނޭ ކަމަށް ހުތުބާގައި ވިދާޅުވެފައި ވެއެވެ.
މީގެ އިތުރުން ޚުތުބާގައި ބުނީ މުޖުތަމައުގެ ފަރުދުން ކިތަންމެ ރަނގަޅުވިޔަސް އެމީހުން ތަބާވާންޖެހޭ ދިރިހުރި ނަމޫނާތަކަކަށް ބޭނުންވާނެ ކަމަށާއި، އިސްލާމީ އަގުތަކާއި އަހުލާގާއި ހުކުމްތަކާ މީސްތަކުން ދުރުވަމުން ދިޔަވަރަކަށް ރަނގަޅު ނަމޫނާ ބޭނުންވާ މިންވަރު ބޮޑުވާނެ ކަމަށެވެ. އަދި ނަމޫނާ ލިބޭނީ ބަހާއި އަމަލު އެއްގޮތް ކުރެވިގެން ކަމަށް ޚުތުބާގައި ބުނެފައިވެއެވެ.
ޚުތުބާގައި ބުނީ އަހަރެމެންގެ ގައުމު މިއަދު ގޮވަނީ ވިސްނުން ތޫނު، ވާޖިބު އަދާކުރާ އިލްމުވެރި، ގާބިލު މުއުމިނު ޒުވާނުންނަށް ކަމަށާއި، ގައުމު ބޭނުންވަނީ އަހަރެމެންގެ އުންމީދުތައް ހަގީގަތަކަށް ހަދައިދޭނެ އިހްލާސްތެރި ޒުވާނުން ކަމަށެވެ. ކަންނެތް ކަމާއި ދުރު މަސައްކަތްތެރި ޒުވާނުންނަށް ކަމަށާއި، މިފަދަ ޒުވާން ޖީލެއް އުފެއްދޭނީ އެދުރުންނާއި މައިންބަފައިންނާއި މުޅި މުޖުތަމައު ޒުވާނުން ބިނާކުރުމަށް މަސައްކަތް ކޮށްގެން ކަމަށް ޚުތުބާގައި ބުނެފައިވެއެވެ.
ހުތުބާގައި ވިދާޅުވީ މުސްލިމުންގެ ޝަހުސިއްޔަތު އޭގެ މަތީގައި ގާއިމުވެފައިވާ ތަނބުތަކުގެ ތެރޭގައި ރިވެތި ނަމޫނާ ހިމެނޭ ކަމަށެވެ. އަދި މާތް rރަސްކަލާންގެ ކީރިތި ރަސޫލާއަށް އެކަލޭގެފާނުގެ ކުރީގެ އަހުން ކަމަށްވާ ނަބީބޭކަލުން ނަމޫނާއަށް ބެލުމަށް ވެސް އަންގަވާފައިވާ ކަމަށެވެ.
