ޝާހްރުކް ޚާންގެ އާ ފިލްމު "ޖަވާން" ގެ އައު ޕޯސްޓަރުތަކެއް ފޭނުންނަށް ދޫކޮށްލައިފި އެވެ. މީގެ ކުރިން ފިލްމް ގެ ޓީޒާއެއް ބެލުންތެރިންނަށް ވަނީ ގެނެސްދީފައިއެވެ. އަދި ޕޯސްޓަރު ތަކެއްވެސް މީގެ ކުރިންވެސް ވަނީ ގެނެސްދީފައިއެވެ.
ފިލްމްގެ ފަސްޓް ލުކް ޓީޒާ އިން ޝާހުގެ ތަފާތު ލުކް ތަށް ވަނީ ފެނިގެން ގޮސްފައިއެވެ. މި ޓީޒާ ވަނީ ގިނަ ބަޔަކަށް ވަރަށް ކަމުގޮސްފައިއެވެ. ވަރުގަދަ އެކްޝަން ފިލްމް އަކަށް ވާނެ ކަމަށް ބެލެވޭ ފިލްމްގެ ތަފާތު ޕޯސްޓަރުތަކެއް ދައްކައިލައިފައި މިވަނީ ޓީޒާއަށް ބޮޑޫ ސަޕޯޓެއް ލިބެމުން އަންނަ ދަނޑިވަޅެއްގައިއެވެ.
"ޖަވާން" ގައި ޝާހްރުކްގެ ޑަބަލް ރޯލެއް ފެނިގެން ދާނެ އެވެ. މީއީ ތަމަޅަ ޑައިރެކްޓަރު އެޓްލީ ހަދާފައިވާ އެކްޝަން ތުރިލާއެކެވެ. ޓީޒާގައި ވެސް ވަރަށް ގިން އެކްޝަން މަންޒަަރުތަށް ވަނީ ހިމަނާފައިއެވެ.
މި ފިލްމް އަކީ ވަރަށް އުންމީދީ ފިލްމްއެކެވެ. ދެފަހަރެއްގެ މަތިން ފިލްމް އަޅުވާ ދުވަސް ބަދަލު ކޮށްފައިވާ މި ފިލްމް އަކީ ލީޑުން ޝާހުރުކް އާއި ސައުތުގެ މަޝްހޫރު ބަތަލާ ނަޔަންތަރާ ފެނިގެންދާ ފިލްމްއެކެވެ. މި ފިލްމް އަކީ ނަޔަންތަރާގެ ބޮލީވުޑް ޑެބިއު ވެސް މެއެވެ.
"ޖަވާން" އަކީ ޖެނުއަރީގައި ރިލީޒްކުރާ "ޕަތާން" އާ އެއްގޮތަށް އެކްޝަން ތުރިލާއެކެވެ. އަދި ގިނަ ބަޔަކު އެންމެ ބޮޑަށް ބަލަން ބޭނުން ވަނީ ބޮލީވުޑްގެ ބޮކްސް އޮފީހުގައި އާ ރެކޯޑްތަކެއް ހެދި ފިލްމުގެ ރެކޯޑް "ޖަވާން" އަށް މުގުރައިލެވޭނެތޯ ބެލުމެވެ.
"ޖަވާން" ސިނަމާތަކަށް ގެންނަން ނިންމާފައި އޮތީ ސެޕްޓެމްބަރު 7 ގަ އެވެ. އޭނަގެ ރެޑް ޗިލީޒް އެންޓަޓައިންމަންޓުން ޕްރޮޑިއުސްކޮށްފައިވާ ފިލްމުގެ ޑައިރެކްޓަރަކީ އެޓްލީ އެވެ. "ޖަވާން" ގެ ކާސްޓްގައި ވިޖޭ ސެތުޕަތީ، ސާނިއާ މަލްއުތުރާ، ސުނިލް ގްރޯވާ، ޕްރިޔާމަނީ، ޔޯގީ ބާބޫ، ރިދިމާ ޑޮގްރާ އަދި އާސްތާ އަގަރްވާލް ހިމެނެ އެވެ.
ކޮމެންޓު ފޮނުވާ