ރިޔާސީ އިންތިޚާބަށް ރީ-ރަޖިސްޓްރީވުމުގެ ފުރުސަތު ހަމަވެފައިވަނީ މި މަހުގެ ފަސް ވަނަ ދުވަހުގައެވެ.

އީސީން ވިދާޅުވީ ރީ-ރަޖިސްޓްރީވުމަށް ހުޅުވާލި ފުރުސަތުގައި އޮންލައިންކޮށް 22،882 މީހުން ރަޖިސްޓްރީކޮށްދިނުމަށް އެދުނު ކަމަށެވެ. އަދި ފޯމު މެދުވެރިކޮށް 19،985 މީހަކު ހުށަހެޅިކަމަށްވެސް ވިދާޅުވިއެވެ.

އެ މީހުންގެ ތެރެއިން އޮންލައިންކޮށް ހުށަހެޅި 18،088 މީހަކު ރީ-ރަޖިސްޓާ ކޮށްދީފައިވާއިރު، އަދި ފޯމު މެދުވެރިކޮށް ހުށަހެޅި 17،761 މީހަކު ރީ ރަޖިސްޓްރީކޮށްދީފައިވާ ކަމަށް އީސީން ވަނީ ވިދާޅުވެފައެވެ.

އެހެންކަމުން އީސީއަށް ރީ-ރަޖިސްޓްރީވުމަށް ހުށަހެޅި 42،867 ފޯމުގެ ތެރެއިން ރަޖިސްޓްރީކޮށްދީފައިވަނީ 35،849 ކަމަށް އީސީން ވަނީ ވިދާޅުވެފައެވެ.

މި އަހަރުގެ ރިޔާސީ އިންތިހާބަށް ވާދަކުރުމަށް އެދި ފޯމު ހުށަހަޅާ މުއްދަތު ވަނީ އިއްޔެ ހަމަވެފައެވެ. އެ މުއްދަތުގައި ޖުލްމަ އަށް މީހަކު ވަނީ އިންތިހާބަށް ކުރިމަތިލާފައެވެ. އޭގެ ތެރެއިން ހަތް މީހެއްގެ ފޯމު އީސީއިން ވަނީ ބަލައިގެންފައެވެ.

މިއަހަރުގެ ރިޔާސީ އިންތިޚާބުގައި 8 ކެންޑިޑޭޓުން ކުރިމަތިލައްވާފައިވެއެވެ. އިންތިޚާބު އޮންނާއި އަންނަ ސެޕްޓެމްބަރުމަހުގެ 9 ވަނަދުވަހުއެވެ.