ކުޑަހުވަދޫގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހާއި ދެކޮޅަށް ޝުޢޫރުފާޅުކުރި ޑިމޮކްރެޓްސްގެ މީހަކު ހައްޔަރުކޮށްފިއެވެ.
މިރޭ ރައީސް ޞާލިހާއި، އެމަނިކުފާނުގެ ކެމްޕޭން ޓީމުން ކުޑަހުވަދޫގައި ޖަލްސާ ބާއްވަމުން ދަނިކޮށް ދަ ޑިމޮކްރެޓްސްގެ އިންޓަރިމް ކައުންސިލް މެމްބަރު އަހުމަދު މައުރޫފް ވަނީ އޭނާގެ ގޭގައި ލައުޑް ސްޕީކަރު ބަހައްޓައިގެން ރައީސް ޞާލިހާއިި މިސަރުކާރާއި ދެކޮޅަށް ޝޫއޫރު ފާޅުކޮށްފައެވެ.
އެމްޑީޕީން ކުރިއަށްދިޔަ ކޯލިޝަން ޖަލްސާއަށް އަޑުއިވޭ ހިސާބުގައި ހުރި އޭނާގެ ގޭގައި ހުރެގެން ޝުއޫރު ފާޅު ކުރުމުގާއި ގުޅިގެން ފުލުހުންގެ ވެހިކަލެއްގައި ރަޔަޓް ގިޔަރުގައި ތިބި ފުލުހުން ވަނީ ގެއަށްވަދެ އޭނާ ހައްޔަރު ކޮށްގެން ގެންގޮސްފައެވެ.
Mi Partyge Interim Council member adhi Kudahuvadhu Council member @kudeyMauroof eynaaage geygai R @ibusolih aa dhekolhah khiyaalu faalhu kuravvamun gendhavanikoh hayyarukumakee R.Solih ge nukulhedhuntherikan. Ahmed Mauroof vaguthun dhookollumah Sarukarah govaalan@TheDemocratsMV pic.twitter.com/QrlmQdTgOe
— Hassan Latheef🎈 (@HassanLatheef) August 7, 2023
މިކަމާއި ގުޅިގެން ޑިމޮކްރެޓްގެ ވަގުތީ ޗެއާޕާސަން އަދި ރައްޔިތުންގެ މަޖިލިހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ވިދާޅުވީ އެޕާޓީގެ އިންޓަރިމް ކައުންސިލް މެމްބަރު މައުރޫފް ޝުއޫރު ފާޅުކޮށްގެން ހައްޔަރު ކުރުމަކީ ރައީސް ޞާލިހުގެ ނުކުޅެދުންތެރިކަން ހާމަވާ ކަމެއްކަމަށެވެ.
ޑިމޮކްރެޓްސް އިންވަނީ އޭނާ ވަގުތުން ދޫކޮށްލަން ގޮވާލާފައެވެ.
ކޮމެންޓު ފޮނުވާ