ށ. މިލަންދޫގެ ޕީޕީއެމްގެ ސްޓިއަރިން ކޮމިޓިގެ މެމްބަރަކާއި އިސް އެކްޓިވިސްޓުންތަކެއް ވެރިކަން ކުރާ އެމްޑީޕީއަށް ސޮއި ކޮށްފިއެވެ.
މިލަންދޫގައި ޕީޕީއެމްގެ ހަރަކާތައް ހިންގުމުގައި އެންމެ އިސްކޮށް ހަރަކާތްތެރިވަމުންދާ އިސް 3 އެކްޓިވިސްޓަކު އެމްޑީޕީއަށް ސޮއި ކޮށްފައިވަނީ، މިރޭ ށ. މިލަންދޫގައި ބޭއްވުނު، ރައީސް ސާލިހުގެ "އުފާވެރި އަމާންދިވެހިރާއްޖެ" ކެމްޕޭން ޖަލްސާގައެވެ.
މިގޮތުން އެމްޑީޕީއަސް ސޮއި ކޮށްފައިވާ މިލަންދޫ ޕީޕީއެމް ސްޓިއަރިން ކޮމިޓީގެ މެމްބަރަކީ މުހައްމަދު މިސްބާހުއެވެ. އޭނާއަކީ މިލަންދޫގައި ޕީޕީއެމްގެ ހަރަކާތްތައް ދިރުވާ އާލާކުރުމުގައި ވަރަށް އިސް ދައުރެއް އަދާކުރެއްވި ބޭފުޅެކެވެ. އޭގެ އިތުރުންވެސް މިލަންދޫގެ ޕީޕީއެމް ހަރަކާތްތަކުގައި އިސްކޮށް އުޅުއްވާ އިތުރު ދެ އެކްޓިވިސްޓަކުވެސް ވަނީ އެމްޑީޕީއަށް ސޮއި ކޮށްފައެވެ.
މިރޭގެ ޖަލްސާގައި ރައީސް ސާލިހުވަނީ އެމަނިކުފާނުގެ ދެވަނަ ދައުރެއްގައި މިލަންދޫއަށް ކޮށްދެއްވާނެ ގިނަގުނަ ވައުދުތަކެއް ވެވަޑައިގެންފައެވެ.
މިގޮތުން މިރޭގެ ޖަލްސާގައި ރައީސް ސާލިހު ވިދާޅުވީ ކުރިޔަށް އޮތް ދައުރުގައި މިލަންދޫގެ ހުރިހާ މަގުތަކެއް ޒަމާނީ ފެންވަރަށް ހައްދަވާ ދެއްވާނެކަމަށާއި، ކުނި މެނޭޖު ކުރުމަށްވެސް ޒަމާނީ ވަސީލަތްތައް އަންނަ ދައުރުގައި މިލަންދޫގައި ގާއިމް ކޮށްދެއްވާނެ ކަމުގައެވެ. ހަމައެއާއެކު، މިލަންދޫ ރައްޔިތުންނަށް ކުރިމަތިވެފައިވާ ބޯހިޔާވަހިކަމުގެ މައްސަލައަށް ހައްލު ހޯދިނުމުގެ ގޮތުން އެރަށުގައި ހައުސިން ޔުނިޓްތައްވެސް އަޅުއްވާދެއްވާނެކަމަށް ވިދާޅުވަމުން ރައީސް ސާލިހު ވިދާޅުވީ، މިލަންދޫ ރައްޔިތުން އެދޭގޮތަށް މިލަންދޫގެ ބިން އިތުރުކޮށް، ޗަކަ ބިން ހިއްކާ އަދި ބޭނުންވާ ސަރަހައްދުގައި ރިވެޓްމަންޓްވެސް ޖަހާ ދޭނެކަމުގައެވެ.
އަދި އެރަށުގެ އެރަށުގައި އެޅުމަށް ރައްޔިތުން އެދިފައިވާ އެއަރޕޯޓަކީ އެޅިދާނެ އެއަރޕޯޓެއްތޯ ބައްލަވާ އެކަމުގައި ގޮތެއް ނިންމަވާނެކަމުގައިވެސް ރައީސް ވިދާޅުވިއެވެ.
ކޮމެންޓު ފޮނުވާ