އުމްރާގެ އަޅުކަމަށް ގޮސް އުޅުނު ދިވެއްސަކު އިއްޔެ ކުއްލިގޮތަކަށް ނިޔާވެއްޖެ އެވެ.
ނިޔާވެފައިވަނީ އަސްކޮއި ޓްރެވަލް ސާވިސް ޕްރައިވެޓް ލިމިޓެޑުގެ ހަވާލުގައި އުމްރާއަށްދިޔަ ހއ. ދިއްދޫ/ ހިމާލިޔާ ފާތިމަތު ސޮބިއްޔާ، 43އ. އެވެ.
މައުލޫމާތު ލިބިފައިވާ ގޮތުގައި އޭނާ ނިޔާވީ މައްކާގެ ހުދައިބިއްޔާ މިސްކިތް ހުންނަ ތަނަށް ޒިިޔާރަތް ކުރުމަށްފަހު އެނބުރި ބަހަށް އެރި ފަހުން އިއްޔެ 11:45 ހާއިރު ކަމަށެވެ. އޭނާގެ ސިއްހީ އެއްވެސް މައްސަލައެއް ހުންނަކަން އެނގިފައި ނުވާ އޭނާ އުމްރާއަށްދިޔަ ގުރޫޕުން މައުލޫމާތު ދީފައި ވެއެވެ.
މައުލޫމާތު ލިބިފައިވާ ގޮތުގައި ސޮބިއްޔާ އުމްރާގެ އަޅުކަމަށް ދިޔައީ ފިރިމީހާ އަދި މަންމަ އާއެކު އެވެ. އޭނާގެ ކަށު ނަމާދު ރޭގެ އިޝާ ނަމާދަށްފަހު މައްކާގެ މަސްޖިދުލް ހަރަމުގައި ވަނީ ކޮށްފަ އެވެ.
ކޮމެންޓު ފޮނުވާ