ޑެންގޫ އާއި ބޭރަށް ހިނގުން ފަދަ ރޯގާތައް މިދުވަސްވަރު އިތުރުވެފައިވާކަމަށް ކުޑަކުދިންގެ ޚާއްސަ ޑޮކްޓަރ އަހްމަދު ފައިސަލް ވިދާޅުވެއްޖެއެވެ.
ޑރ ފައިސަލް ވިދާޅުވެފައިވަނީ ޑެންގޫ ހުމާއި ބޭރަށް ހިނގުން ތަންކޮޅެއް ގިނަ ވެއްޖެ ކަމަށެވެ. އެގޮތުން އިއްޔެ ހޮސްޕިޓަލުގައި އެނދުމަތިކުރި ކުދިންގެ ތެރެއިން ތިން ކުދިން ބޭއްވީ ޑެންގީ ހުން ޖެހިގެން ކަމަށް ވިދާޅުވިއެވެ.
މީގެއިތުރުން ދެ ކުދިން ބޭރަށް ހިންގާތީ އެނދުމަތިކުރި ކަމަށާއި އަދި އެއްކުއްޖަކު އިންފުލުއެންޒާ އަދި ނިއުމޯނިއާ ޖެހިގެން އެނދުމަތިކޮށްފައިވާ ކަމަށް ޑރ ފައިސަލް ވިދާޅުވެފައިވެއެވެ.
ޑރ ފައިސަލް ވަނީ ރައްކާތެރިވެވެންހުރި ކަންތައްތައް ކުރެއްވުމަށް އިލްތިމާސް ކުރައްވައިފައެވެ.
ޑެންގީހުމާ ބޭރަށްހިންގުން ތަންކޮޅެއްގިނަވެއްޖެ.
އިއްޔެ ބޭއްވި👶ތެރޭ
3 👶 ޑެންގީ ޖެހިހެން
2 👶 ބޭރަށްހިންގާތީ
1 👶 އިންފުލުއެންޒާ ނިއުމޯނިއާރައްކާތެރިވެވެންހުރި ކަންތައްތައް ކުރައްވާތި
— Ahmed Faisal (@Faisalnaifaru) July 26, 2023
ޑެންގޫ ހުމަކީ ދޭތެރެ ދޭތެރެއިން ރާއްޖޭގައި ފެތުރޭ ބައްޔެކެވެ. ޑެންގޫ އިން ރައްކާތެރިވުމަށް މަދިރިން ރައްކާތެރިވުމަށް ހަށިގަނޑު ރަގަޅަށް ނިވައިވާ ގޮތަށް ހެދުން އެޅުމާއި މަދިރި ލޯޝަން، ސްޕްރޭ އަދި ރެޕެލެންޓްބޭނުން ކުރުން، އަދި ޑެންގޫ ފަތުރާ މަދިރިއަކީ ދުވާލުގެ ހުރިހާ ވަގުތުގައިވެސް ހަފާ މަދިރިއެއް، ހާއްސަކޮށް ފަތިސް ގަޑީގައި އަދި ހަވީރު އިރު އޮއްސޭ ވަގުތު ގިނަވާތީ ގޭގެ ދޮރުތަކާއި ކުޑަ ދޮރުތައް އެ ގަޑިތަކުގައި ލައްޕާފައި ބެހެއްޓުން ހިމެނެއެވެ.
މީގެ އިތުރުން ޑެންގޫ ފަތުރާ މަދިރި އާލާވާ ތަންތަން ނައްތާލުން، ތިން ދުވަހަށް ވުރެ ގިނައިން ހުން އަންނަނަމަ، ނުވަތަ ޑެންގޫގެ ނުރައްކާތެރި އަލާމާތްތައް ފެނިއްޖެނަމަ ލަސްނުކޮށް ޑޮކްޓަރަކަށް ދެއްކުން ހިމެނެއެވެ.
ޑެންގޫގެ ޢަލާމާތްތަކަކީ ކުޑަކަމު ދެވޭ މިންވަރު މަދުވުން، އާދަޔާ ހިލާފަށް ވަރު ދެރަވުން، ބަނޑުގައި ރިއްސުން އަދި ތުއްތުކުދިންނަށް ކައިރިން ނުބޮވުން ހިމެނެއެވެ.
ޢާންމުކޮށް ފެތުރޭ ރޯގާ ތަކުން ރައްކާތެރިވުމަށް ސައިބޯނިލައިގެން ސާފުކޮށް އަތްދޮވުމަށް ހާއްސަ ސަމާލުކަމެއްދިނުމަށް އަބަދުވެސް ޑޮކްޓަރުން އިރުޝާދު ދެއްވައެވެ.
