އއ. ބޮޑުފުޅަދޫ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫޢުގެ އަމަލީ މަސައްކަތް ފެށުމަށް އެމްޓީސީސީން ތައްޔާރު ވެއްޖެއެވެ.
އެމްޓީސީސީން ބުނީ މިމަހުގެ 8 ވަނަ ދުވަހު ޕްރޮޖެކްޓް ސައިޓް މޮބިލައިޒްކޮށްފައިވާ ކަމަށެވެ.
މި މަޝްރޫޢުގެ ދަށުން، 8 ހެކްޓަރުގެ ބިން ހިއްކުމާއި، 180 މީޓަރުގެ ސަރަޙައްދެއްގައި ބޭރުތޮށި ލުމާއި، 1052 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 110 މީޓަރުގެ ސަރަޙައްދެއްގައި ގްރޮއިން ޖެހުމުގެ މަސައްކަތް ހިމެނެއެވެ. މި މަޝްރޫޢަކީ 74.12 މިލިއަން ރުފިޔާގެ މަޝްރޫޢެކެވެ.
We have mobilized Aa. Bodufolhudhoo Land Reclamation and Shore Protection project site on 8th July 2023.#MTCCProjects #RayyithungeKunfuni pic.twitter.com/nemSpNJJ9E
— MTCC Plc (@MTCCPlc) July 11, 2023
ބޮޑުފުޅަދޫ ބިން ހިއްކުމަށް ހަމަޖެހިފައިވަނީ ސަރުކާރުން ކުރިއަށް ގެންދަން ބޭނުންވާ ބިން ހިއްކުމުގެ މަޝްރޫއުތައް އަވަސްކުރުމަށް ސަރުކާރުން ގެނައި އާ ޑްރެޖަރުގައެވެ. މިއީ ދުވާލެއްގެ މައްޗަށް ހެކްޓަރެއްގެ ބިން ހިއްކުމުގެ ގާބިލްކަން ލިބިފައިވާ އުޅަނދެކެވެ.
ކޮމެންޓު ފޮނުވާ