"އިންޑިއާ އައުޓް" ހަރަކާތް ހުއްޓުވުމަށް ނެރުނު ރިޔާސީ ގަރާރު ބާތިލުކުރަން ހައިކޯޓަށް ހުށަހަޅާފައިވާ މައްސަލައިގެ މިއަދުގެ އަޑުއެހުން ކެންސަލްކޮށްފި އެވެ.
ހައިކޯޓުން އެ މައްސަލައިގެ އަޑުއެހުން ތާވަލްކޮށްފައި އޮތީ މިއަދު މެންދުރުފަހު 13:00 އަށެވެ. އެކަމަކު އިސް ފަނޑިޔާރު ހުޒައިފާ މުހައްމަދު ސަލާމުގައި ހުންނެވުމުން އެ ޝަރީއަތުގެ އަޑުއެހުން ކެންސަލް ވެފައިވާ ކަމަށް ކޯޓުން ވަނީ އަންގާފަ އެވެ.
ރާއްޖޭގައި ތިބި އިންޑިއާ ސިފައިން ފޭބުމަށް ގޮވައިލައި އިދިކޮޅުން ކުރިއަށް ގެންދިޔަ އިންޑިއާ އައުޓް ހަރަކާތަކީ ގައުމީ ސަލާމަތަށް އޮތް ނުރައްކަލެއް ކަމަށް ކަނޑައަޅައި، އެ ކެމްޕެއިން ހުއްޓުވަން ރައީސް އިބްރާހީމް މުހައްމަދު ޞާލިހު ރިޔާސީ ގަރާރެއް ނެރުއްވީ އޭޕްރީލް 21، 2022ގަ އެވެ.
މީގެ ކުރިންވެސް އެ މައްސަލައިގެ އަޑުއެހުންތައް އެތައް ފަހަރަކު ހައިކޯޓުގައި ތާވަލްކުރި ނަމަވެސް ކޮންމެ ފަހަރަކު ވެސް އެކި ސަބަބުތަކާ ހުރެ އަޑުއެހުން ނުބޭއްވި ކެންސަލް ވަނީ އެވެ.
އިދިކޮޅުން ކުރަމުން އަންނަ އިންޑިއާ އައުޓް ކެމްޕެއިން މިވަގުތު މަޑުޖެހިފައިވާކަން ފާހަގަކޮށްލެވެއެވެ.
