އެމްއައިޓީ ކޮލެޖެއްގެ ދަރަޖައަށް ބަދަލުކޮށް، އެކަމުގެ ލިޔުން އެތަނާ ހަވާލުކޮށްދެއްވީ ހަޔަ އެޑިއުކޭޝަނުގައި ބޭއްވި ރަސްމިއްޔާތެއްގައި ހަޔަ އެޑިއުކޭޝަން މިނިސްޓަރު ޑރ. އިބްރާހީމް ޙަސަނެވެ.

ހަޔަ އެޑިއުކޭޝަނުން ބުނީ އެމްއައިޓީ ކޮލެޖެއްގެ ގޮތުގައި ދަރަޖަ ދީފައިވަނީ، އެކަމަށް އެދި ހުށަހެޅުމުން މިނިސްޓްރީއަށް ހުށަހެޅި އެޕްލިކޭޝަން ދިރާސާ ކުރުމަށްފަހު، ކޮލެޖެއްގައި ހުންނަންޖެހޭ ޝަރުތުތައް ފުރިހަމަ ވެފައިވާތީކަމަށެވެ.

ދިވެހިރާއްޖޭގައި މަތީ ތައުލީމާއި ތަމްރީނުދޭ މަރުކަޒެއް، ކޮލެޖެއްގެ ގޮތުގައި ރަޖިސްޓަރީ ކުރެވޭނީ، އެ މަރުކަޒެއް އިންސްޓިޓިއުޓެއްގެ ގޮތުގައި މެދުނުކެނޑި ހިންގަމުން އަންނަތާ މަދުވެގެން 10 އަހަރު ވެފައިވުމާއެކު، އެ މަރުކަޒެއްގައި ގައުމީ ސަނަދުތަކުގެ އޮނިގަނޑުގެ ލެވެލް ފަހެއްގެ ޕްރޮގްރާމްތައް މެދުކެނޑުމެއް ނެތި ފަސް އަހަރު ވަންދެން ހިންގާފައިވާ ނަމައެވެ.

މަތީ ތައުލީމާއި ތަމްރީނުދޭ އިންސްޓިޓިއުޓެއްގެ ގޮތުގައި އެމްއައިޓީ ރެޖިސްޓާ ކޮށްފައި ވަނީ 2008 ވަނަ އަހަރެވެ.