ސެޕްޓެމްބަރު މަހު 9 ވަނަ ދުވަހު ބާއްވަ ރިޔާސީ އިންތިޚާބުގައި އިދިކޮޅު ޕްރޮގްރެސިވް ކޯލިޝަންގެ ރިޔާސީ ކެނޑިޑޭޓް ރައީސް ޔާމީންގެ ކެމްޕެއިންގައި މާލޭގައި ޑޯޓު، ޑޯ ކެމްޕެއިން ހަރަކާތްތަކެއް މިއަދު ބޭއްވުމަށް ހަމަޖެހިއްޖެއެވެ.
ރައީސް ޔާމީން ކެމްޕޭނުގެ ތެރެއިން މާލޭ ސަރަހައްދުގެ ދޮރުން ދޮރަށް ހިނގާ ހަރަކާތެއް ފެށުމަށް ނިންމަފައިވަނީ މިއަދު މެންދުރު ފަހު 1:45ގައެވެ. ޔާމީނުގެ ކެމްޕޭން ހަރަކާތްތައް ފަށަން, ކެމްޕޭން ޓީމުން ތައްޔާރުވެފައިވީ ނަމަވެސް, އެމަނިކުފާނު ގެންދަވަނީ މާފުށީ ޖަލުގައި 11 އަހަރުގެ ހުކުމެއް ތަންފީޒު ކުރައްވަމުންނެވެ.
ރައީސް ޔާމީންގެ ކެމްޕެއިން ހަރަކާތް މިއަދު ރަސްމީކޮށް މާލޭގައި ފަށަން އިދިކޮޅުން ނިންމި އިރު މީގެ ކުރިން ރައީސް އެމަނިކުފާނުގެ ކެމްޕެއިން މެނޭޖަރު ކެޕްޓަން މުހައްމަދު އަމީން ވިދާޅުވީ އީދު ބަންދަށްފަހު އެމަނިކުފާނުގެ ކެމްޕެއިން ހަރަކާތްތައް މުޅި ރާއްޖޭގައި ފެށުމަށް ނިންމާފައިވާ ކަމަށެވެ.
ރައީސް ޔާމީން 2023 ކެމްޕޭންގެ ޚާއްސަ ހަރަކާތް.
މާލެ ސަރަހައްދުގެ ދޮރުން ދޮރަށް ހިނގަން ފެށުން. #RY2023 pic.twitter.com/0AsP0A8aYp
— Progressive Party of Maldives (@ProgressPartyMV) July 2, 2023
ރައީސް ޔާމީންނަށް އިއްވާފައިވާ ހުކުމުގެ އިސްތިއުނާފް ޝަރީއަތްތައް ކުރިއަށްދާއިރު، މިމައްސަލާގައި މިމަހުގެ 23ގެ ކުރިން ގޮތެއް ނިންމާނެކަމަށް ގަބޫލުކުރާކަމަށް ޕީޕީއެމްއިން ބުނެއެވެ. އަދި މިމައްސަލާގައި ރައީސް ޔާމީން ސަލާމަތްވާނެކަމަށް ޕީޕީއެމްއިން ގަބޫލު ކުރެއެވެ.
ޖިނާއީ ކުށެއް ސާބިތުވެ 12 މަސް ދުވަހުގެ ދިގު މުއްދަތެއްގެ ހުކުމެއް ތަންފީޒުކުރަމުން ގެންދާ މީހަކަށް ރައީސުލްޖުމްހޫރިއްޔާކަމުގެ މަގާމަށް ކުރިމަތިނުލެވޭނޭ ކަމަށް ޤާނޫނު އަސާސީގައިވަނީ ބަޔާންކޮށްފައެވެ.
