މިނިމުނު ޖޫން މަހު އެކަނިވެސް ރާއްޖެއަށް ލައްކައަކާ ގާތްކުރާ ޢަދަދަކަށް ފަތުރުވެރިން ޒިޔާރަތްކޮށްފިއެވެ.
ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާގޮތުގައި ޖޫންމަހުގެ އެކަކުން ފެށިގެން 21ވަނަ ދުވަހުގެ ނިޔަލަށް 95000އަށްވުރެ ގިނަ ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ. މިދިޔަ އަހަރުގެ މިމުއްދަތުގައި ރާއްޖެއަށް ޒިޔާރަތްކުރީ 45،958 ފަތުރުވެރިންނެވެ. 2021ވަނަ އަހަރުގެ މިމުއްދަތުގައި ޒިޔާރަތްކުރީ 92،519 ފަތުރުވެރިންނެވެ. އެހެންކަމުން މިއަހަރު ޖޫންމަހު މިވަނީ ވޭތުވެދިޔަ 2 އަހަރުގެ މިމުއްދަތާ އަޅާ ބަލާއިރު ރެކޯޑު މިންވަރަކަށް ފަތުރުވެރިން ޒިޔާރަތްކޮށްފައެވެ.
މި އަހަރުގެ މިހާތަނަށް ރާއްޖެއަށް އެންމެ ގިނައިން ފަތުރުވެރިން އައި ޤައުމަކީ އިންޑިއާއެވެ. އިންޑިއާއިން ރާއްޖެއަށް 101,348 ފަތުރުވެރިން މިއަހަރުގެ މިހާތަނަށް އައިސްފައިވެއެވެ.
މިއީ ޢާންމުގޮތެއްގައި ބަލާނަމަ ރާއްޖޭގެ ފަތުރުވެރިކަމުގެ އޮފްސީޒަނެވެ.
