މިއަހަރުގެ މިހާތަނަށް ރާއްޖެއަށް އެންމެ ގިނައިން ފަތުރުވެރިން ޒިޔާރަތްކޮށްފައިވަނީ އިންޑިޔާއިން ކަމަށް އިމިގްރޭޝަންގެ ތަފާސްހިސާބުތަކުން ދައްކައިފިއެވެ. އިންޑިޔާއިން ރާއްޖެއަށް 20،098 ފަރުތުވެރިން ޒިޔާރަތްކޮށްފައިވެއެވެ.
ރާއްޖެއަށް އެންމެ ގިނައިން ފަތުރުވެރިން ޒިޔާރަތްކޮށްފައިވާ ޤައުމުތަކުގެ ލިސްޓުގެ އެއްވަނައަށް އިންޑިއާ އެރުމުގެ ކުރިން މިއަހަރުގެ މިހާތަނަށް އެ ލިސްޓުގެ އެންމެ ކުރީގައި އުޅުނީ ރަޝިޔާއެވެ.
މޭ މަހު ރާއްޖެއަށް ޒިޔާރަތްކޮށްފައިވާ ފަތުރުވެރިންގެ ތަަފާސް ހިސާބު:
* އިންޑިޔާ – 20،098 ފަތުރުވެރިން
* ޗައިނާ – 15،204 ފަތުރުވެރިން
* ރަޝިޔާ – 12،174 ފަތުރުވެރިން
* ޖަރުމަނުވިލާތް – 9،758 ފަތުރުވެރިން
* އިނގިރޭސިވިލާތް – 8،142 ފަތުރުވެރިން
މި އަހަރުގެ މިހާތަނަށް ރާއްޖެއަށް 809،244 ފަތުރުވެރިން ވަނީ ޒިޔާރަތްކޮށްފައެވެ. ދުވާލެއްގެ މައްޗަށް 3،902 ފަރުރުވެރިން ރާއްޖެއަށް ޒިޔާތް ކުރާ ކަމަށް އިމިގްރޭޝަންގެ ތަފާސްހިސާބުތައް ދައްކާއިރު، އެވްރެޖް ކޮށް އެންމެ ގިނައިން ފަތުރުވެރިން އަންނަ ދުވަހަކުވެސް ދުވާލެއްގެ މައްޗަށް 5،592 ފަތުރުވެރިން ރާއްޖެއަށް ޒިޔާރަތްކުރެއެވެ. އަދި އެންމެ މަދުވެގެން އެވްރެޖްކޮށް 2،813 ފަތުރުވެރިން ރާއްޖެއަށް ޒިޔާރަތްކުރެއެވެ.
