އިދިކޮޅު ލީޑަރޝިޕްގެ އިސް ބޭފުޅުން ރައީސް ޔާމީނަށް ނުހައްގުން އެތައް އަނިޔާ ކުރަމުންދާކަމަށް ބުނެ، ރައީސުލްޖުމްހޫރިއްޔާއާއި ބައްދަލު ކުރެއްވުމަށް ރައީސް އޮފީހަށް ގޮސްފިއެވެ.

ކުރީގެ ރައީސް ޔާމީންގެ މައްޗަށް ދައުލަތުން ކްރިމިނަލް ކޯޓުގައި އުފުލާފައިވާ ދައުވާގެ ޝަރީއަތުގެ މަޖިލިސް އިއްޔެ ހެނދުނުން ފެށިގެން ރޭ 22:00 އާއި ގާތްވަންދެން ގެންދެވުމަށްފަހު، މިއަދުވެސް އަދި މިހަފްތާގެ ހުރިހާ ދުވަހެއްގައިވެސް ޝަރީއަތް ބޭއްވުމަށް ވަނީ ތާވަލް ކޮށްފައެވެ.

މިކަމުގައި އިދިކޮޅު ލީޑަރޝިޕުން ދަނީ ކަންބޮޑުވުން ފާޅު ކުރަމުންނެވެ. މިކަމުގައި ކަންބޮޑުވުން ފާޅުކޮށް އިދިކޮޅު ޕީޕީއެމް/ޕީއެންސީ ކޯލިޝަނުގެ ލީޑަޝިޕްގެ ބޭފުޅުން ރައީސް އޮފީހަށް ވަޑައިގަތީ އެކަމުގެ ކަންބޮޑުވުން ރައީސް އިބްރާހިމް މުހައްމަދު ސޯލިހާއި ހިއްސާކުރެއްވުމަށެވެ. ނަމަވެސް، ރައީސާ ބައްދަލުކުރައްވަން އެޕޮއިޓްމެންޓް ހަދާފައި ނެތުމުން އެ ފުރުސަތު ލިބިވަޑައެއް ނުގަތެވެ.

ރައީސާއި ބައްދަލުނުވުމުން ނޫސްވެރިންނާއި ވާހަކަ ދައްކަވަމުން ޝިޔާމް ވިދާޅުވީ މުޅި ޖުޑީޝަރީ ހިސޯރުކޮށް އިދިކޮޅު ރިޔާސީ ކެނޑިޑޭޓަށް އަނިޔާ ދެމުންދަނީ ސީދަ ރައީސް ޞާލިހު އިސްވެ ހުންންވައިގެން ކަމަށެވެ. އިއްޔެވެސް އެތައް ގަޑިއިރު ކޯޓުގައި ބައިންދާފައިވާއިރު ރައީސް ޔާމީނަކީ ބުރަކަށީގެވެސް މައްސަލަ ހުންނަވާ ބޭފުޅެއްކަން ކޯޓުތަކަށްވެސް ސާފުވާނެކަމަށް ޝިޔާމް ވިދާޅުވިއެވެ.

އިއްޔެ ވެސް 13 ގަޑިއިރު އެ މަނިކުފާނު ކޯޓުގައި އިންނެވި. އެނގިވަޑައިގަންނަވާނެ އެ މަނިކުފާނަކީ ބުރަކަށިފުޅުގައި ވެސް މައްސަލަ ހުންނަވާ ބޭފުޅުން.

– ޝިޔާމް ވިދާޅުވިއެވެ.

Idhikolhu leadership raees ofeehah vadaigathun cover kuran thibi media thah mihaaru vanii sarahahdhun dhurah jahsaafa. pic.twitter.com/kA7795cybM

— aaidh 🇵🇸 (@aaaaaidh) June 13, 2023

ޔާމީންގެ ސަޕޯޓަރުން ވިދާޅުވާ ގޮތުގައި ކްރިމިނަލް ކޯޓުން މިހާރު ޔާމީންގެ ސަރީއަތް ކުރިއަށް ގެންދަނީ ހަވާ ފަޓާސް ބަރިއެއްގައި އަލިފާން ރޯކޮށްލުމުން އަނދައިގެންދާހާ ބާރު މިނުގައެވެ. ބޭނުމަކީ ޔާމީންގެ މައްޗަށް މިހާރު އޮތް 11 އަހަރުގެ ޖަލު ހުކުމް ހައިކޯޓުން ބާތިލް ކުރި ނަމަވެސް އަނެއްކާވެސް އިތުރު ހުކުމެއްކޮށް ޔާމީންގެ އިންތިހާބީ ހައްގު ހިފެހެއްޓުން ކަމަށް ވެސް ޔާމީންގެ ސަޕޯޓަރުން ބުނެއެވެ.

ޔާމީންގެ މައްޗަށް މިހާރު އިއްވާފައި އޮތް 11 އަހަރުގެ ހުކުމް ހައިކޯޓުން ބާތިލް ކުރިނަމަވެސް ކްރިމިނަލް ކޯޓުން އިތުރު ހުކުމެއް ކޮށްފިނަމަ އަނެއްކާވެސް އެމަނިކުފާނަށް ރިޔާސީ އިންތިހާބުގައި ވާދަކުރުމުގެ ފުރުސަތު ގެއްލޭނެއެވެ.