ރާއްޖޭގެ މަސްކަނޑު ހިމާޔަތް ކުރުމަށްޓަކާ، އިދިކޮޅު ޕާޓީތައް ނުކުމެ ތިބީ، ހުރިހާ ކުލަތަކާއި އަދި ފިކުރުތައްވެސް ދޫކޮށް އެކަތިގަޑެއްގެ ގޮތުގައި ކަމުގައި އެމްއެންޕީގެ ރައީސް ކާނަލް ނާޒިމް ވިދާޅުވެއްޖެއެވެ.
މިރޭ ކުރިޔަށްދާ ޗާގޮސް ކޯލިޝަންގެ ޖަލްސާގައި ވާހަކަ ދައްކަވަމުން ކާނަލް ނާޒިމް ވިދާޅުވީ ރައީސް ސާލިހަށް ވެރިކަމުގައި ހުންނެވުމުގެ މޯރަލް އޮތޯރިޓީއެއް ނެތްކަމަށާއި، އިދިކޮޅު ޕާޓީތަކުގެ އިސްވެރީން ދެން ގެއަށް ވަންނާނީ މަސްކަނޑުތައް އަބުރާ ހޯދުމަށްފަހު ކަމުގައެވެ. އަދި އޭނާ ވިދާޅުވެފައިވަނީ، "ކަނޑު ވިއްކާލި ވިއްކާލުމުގެ" ބަދަލުގައި ރައީސް ސާލިހުގެ މައްޗަށް ދައުވާވެސް ކުރާނެ ކަމުގައެވެ.
ނާޒިމްގެ ވާހަކާގައި އޭނާ ވަނީ މޮރިޝަސްއަށް ފޮނުވި ސިޓީ އަބުރާ ގެނައުމަށް ރައީސް ސާލިހަށް ގޮވާލައްވާފައެވެ. އަދި އޭނާ ވިދާޅުވީ ރައީސް ސަލިހަށް މާފު ނުކުރެވޭކަމަށާއި، ޗާގޮސް ހޯދުމަށްވެސް ރާއްޖެއިން މަސައްކަތް ކުރާން ޖެހޭ ކަމުގައެވެ.
މިހުރީ ތިބޭފުޅުން އެއްލި ކޮންމެ ވަލެއްގައި ހިފައިގެން މިމަސައްކަތުގައި ދެމިހުރުމަށް.
ނާޒިމްގެ ވާހަކަފުޅުގައި ވިދާޅުވިއެވެ.
އޭނާ ވިދާޅުވީ ދިވެހި މަސްކަނޑު ތަކަކީ ކޯސްގާޑް ނެތް ޒަމާނުގައިވެސް މަސްވެރީން ނިކުމެ ހިމާޔަތްކުރި ތަންތަން ކަމަށާއި، އެތަނުގެ ސަލާމަތާއި ރައްކާތެރިކަން ދިވެހި މަސްވެރިން އެ މަސަކަނޑުތައް ހިމާޔަތް ކޮށްފައިވާކަމުގައެވެ. އޭނާ ވިދާޅުވީ ދިވެހިންގެ ކަނޑު ރޯދި ވިއްކާލީ މަދު ޑޮލަރުކޮޅަކަށް ކަމުގައެވެ.
އަޅުގަޑުމެން ޖެހޭނީ ނިކުންނަން. ފޯރީގަ ނުކުންނަން ޖެހޭނެ. އަޅުގަޑުމެންގެ ލަޝްކަރު މިތަނަށް ނިކުމެ މިތިބީ މިމަސްކަނޑުތައް އަނބުރާ ހޯދަން. އަޅުގަޑުމެން ހޯދާފަ ނޫނީ ވަދެގެން ނުވާނެ. އަޅުގަޑުމެން މިތާ މިތިއްބެވި ހުރިހާ ޕާޓީތަކުގެ ވެރިންނާ ތި އެންމެހާ ބޭފުޅުން މިތިބި އަޅުޑުމެންގެ ހުރިހާ ކުލަތަކާއި ފިކުރުތައް ދޫކޮށްފަ. އަަޅުގަޑުމެން މިތިބީ އެކަނިގަޑެއްގެ ގޮތުގައި މިތާގަ.
ނާޒިމް ވިދާޅުވިއެވެ.
