ރާއްޖެއިން ގެއްލުނު ސަރަހައްދު ގަތުމަށް އުޅުނު ބަޔަކު ހޯދަންޖެހޭ ކަމުގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރާއްޖޭގެ ކަނޑުގެ ސަރަހައްދުން ބައެއް ވިއްކާލާފައިވާ ކަމަށް ބުނެ "ކަނޑު ވިއްކުމާ ދެކޮޅު އިއްތިހާދު"ން މިރޭ މާލޭގައި ބޮޑު އެއްވުމެއް ބޭއްވުމަށް ވަނީ ނިންމާފައެވެ. މިއެއްވުމުގައި ރައީސް ނަޝީދު އިސްކޮށް ހުންވައިގެން އުފައްދަވާފައިވާ ދަ ޑިމޮކްރެޓްސް އިން ބައިވެރިވާނެކަމަށް ވަނީ ބުނެފައެވެ.
ރާއްޖެއާއި މޮރިޝަސްއާއި ދެމެދު ފުށުއަރާ ކަނޑުގެ ސަރަހައްދާއިމެދު އިޓްލޮސްއިން ނިންމި ނިންމުމުގެ ސަބަބުން ރާއްޖޭގެ ކަނޑުގެ ސަރަހައްދު ބައެއް ގެއްލުނު މައްސަލައިގައި ރައީސް ނަޝީދު ވަނީ މިއަދު އެމަނިކުފާނުގެ އޮފިޝަލް ޓުވިޓާ އެކައުންޓުންނާއި، އަން އޮފިޝަލް އެކައުންޓުންވެސް ޓުވީޓުތަކެއް ކުރައްވާފައެވެ. އޮފިޝަލް ޓުވިޓާ އެކައުންޓުން ކުރެއްވި ޓުވީޓުގައި ވިދާޅުވީ ރާއްޖޭގެ ކަނޑުގެ ސަރަހައްދުގައި ދާ އަޅައިގެން މަސްވެރިކަންކުރާ ބޯޓް ފަހަރުގެ ވެރިން ރާއްޖެ އައިތޯ ސުވާލު ކުރައްވާފައެވެ.
އަދި މޮރިޝަސްގެ ސިޔާދަތީ ބާރު ފޯޅަވައްސަށް އޮތްކަމަށް ރައީސުލްޖުމްހޫރިއްޔާ އެއްބަސްވެވަޑައިގަތުމުން ރާއްޖޭގެ ސަރަހައްދުން ބައެއް މޮރިޝަސްއަށް ލިބޭނެކަން ކަނޑައެޅިގެން އެނގޭކަމަށް އެމަނިކުފާނު ވިދާޅުވިއެވެ. މިހުރިހާ ކަމަކަށް ބަލައި ރައީސް ނަޝީދު ވަނީ ރާއްޖެއިން ގެއްލުނު ސަރަހައްދު ގަތުމަށް އުޅުނު ބަޔަކު ހޯދަންޖެހޭކަމަށް ގޮވާލާފައެވެ.
Raajje in gehlunu sarahadhuga dhaa alha boat faharuge verin Raajje aitho?Adhi bahdhalukuree kaakaatho?Mauritius ge siyadhathee baaru Foalhavahi ah oiykamah RJ ehbasvevadai gathumun,Raajjeyge sarahadhun baeh Mauritius ah libeykan ingeyne.Ebaigathumah ulhefaivee bayaku hoadhenjehey
— Mohamed Nasheed (@MohamedNasheed) June 2, 2023
ނަޝީދު މިއަދު ހެނދުނު އެމަނިކުފާނުގެ އަންއޮފިޝަލް ޓްވިޓާ އެކައުންޓުން ކުރި ޓްވީޓެއްގައި ވިދާޅުވީ ފޯޅަވަހީގެ އުތުރުން އައްޑޫގެ ދެކުނުން ދާ އަޅާ ބޯޓުފަހަރު މިހާރު ފެންނަން ފަށައިފި ކަމަށެވެ. ރާއްޖެ އިން ގެއްލުނު ސަރަހައްދުގައި ދާ އަޅާ ލައިންސަންސް ދިނީ ކޮންބަޔަކަށްތޯ ނަޝީދު ވަނީ ސުވާލު ކުރައްވާފައެވެ. އަދި އެބަޔަކު ރާއްޖެ އައިތޯ ވެސް އެމަނިކުފާނު ސުވާލު ކުރައްވާފައި ވެއެވެ.
އައްޑޫގެ ދެކުނުން ގެއްލުނު ސަރަހައްދުގައި މިހާރު ދާ އަޅަން ފަށައިފި. މި ލައިންސަންސް ލިބިފައިވާ ބޯޓު ފަހަރު އެއީ ރާއްޖޭ ކަނޑުން ބައެއް ގައި މީހުން ކަމަށް ސާބިތު ކުރުމަށް ސްމޯކިން ގަން ފެންނާން ޖެހޭނެ. ރާއްޖޭގެ ކަނޑުން ގެއްލުނު ބައިގައި ދާ އަޅާ ލައިންސަންސް ލިބިފައި އެވަނީ ސްމޯކިން ގަން އަށް.
– ނަޝީދު ވިދާޅުވިއެވެ.
ނަޝީދު މިއަދު ކުރި އިތުރު ޓްވީޓެއްގައި ވިދާޅުވީ ފޯޅަވައްސަކީ ދިވެހިން މަސްބާނައިގެން މަސް ކައްކާ ހިއްކާން ތިބޭ ރަށެއް ކަމަށެވެ. ދިވެހިން ނޫން ބަޔަކު އެތަން ބޭނުން ނުކުރާ ކަމަށް ވެސް ނަޝީދު ވިދާޅުވިއެވެ.
