މިއަހަރު ބާއްވާ ރިޔާސީ އިންތިޚާބުގައި އިދިކޮޅު ޕްރޮގްރެސިވް ކޯލިޝަންގެ ރިޔާސީ ކެނޑިޑޭޓް ރައީސް ޔާމީންގެ ކެމްޕެއިން މެނޭޖަރަކަށް ކެޕްޓަން މުހައްމަދު އަމީން ހަމަޖައްސައިފިއެވެ.

ޕީޕީއެމްގެ އޮފީހުގައި ބޭއްވި ޚާއްސަ ރައްމިއްޔާތެއްގައި އަމީނާއި، ފަތްކޮޅު ހަވާލުކުރީ އިދިކޮޅު ޕްރޮގްރެސިވް ކޯލިޝަން ހިންގުމާއި ހަވާލުވެ ހުންނެވި އަބްދުއްރަހީމެވެ. ކެޕްޓަން އަމީނަކީ ރާއްޖޭގެ މައި އެއާލައިން މޯލްޑިވިއަންގެ އިސްމަޤާމުތައް ފުރުއްވާފައިވާ ތައުލީމީ ގާބިލް ބޭފުޅެކެވެ. އަދި އަމީން ވަނީ މިސަރުކާރުން ވަނީ ގައުމީ އެއާލައިން، މޯލްޑިވިއަންގެ ފްލައިޓް އޮޕަރޭޝަންސް ޑިރެކްޓަރުގެ މަގާމުގައި ހުންނަވަނިކޮށް 2019 ވަނަ އަހަރު މަޤާމުން ވަކި ކުރައްވާފައެވެ.

އަމީން އެމަގާމުން ވަކިކޮށްފައިވަނީ ގޯސްކޮށް ކަމަށާއި އަލުން އެ ފެންވަރުގެ ވަޒީފާއެއް ނުވަތަ އެ ވަޒީފާ އިއާދަކޮށްދޭންވެސް ކޯޓުން ހުކުމްވެސް ކުރިއެވެ. އަމީނަކީ މީހުންނާއި ގުޅޭ ޕީޕީއެމްގެ އާންމު މެމްބަރުންގެ ތާއީދުވެސް އޮންނަ ބޭފުޅެކެވެ.

މިރޭ ވަނީ ޕީޕީއެމްގެ ކެމްޕެއިންގައި އަމީނާއިއެކު ޑެޕިއުޓީ ކެމްޕެއިން މެނޭޖަރެއްވެސް ހަމަޖައްސަވާފައެވެ. އެމަޤާމަށް ހަމަޖައްސަވާފައިވަނީ ކުރީގެ ހެލްތު މިނިސްޓަރ ނާޒިމްއެވެ.

2023 vana aharuge Riyaasy Inthikhaabugai PPM PNC ge candidate Raees Abdulla Yameen Abdul Gayyoom ge Deputy Campaign Manager kamah Abdulla Nazim Ibrahim hamajassavaifi. ⁦@ANazim2019⁩ pic.twitter.com/vYTudtdbYy

— Progressive Party of Maldives (@ProgressPartyMV) May 31, 2023

ނާޒިމްއަކީ ރައީސް ޔާމީންގެ ވެރިކަމުގައި ސިއްޚީ ދާއިރާއަށް ގެންނެވި ހެޔޮ ބަދަލުތަކުގައި އެންމެ ބޮޑަށް މަސައްކަތް ކުރެއްވި ބޭފުޅާއެވެ. ނާޒިމްގެ މިނިސްޓަރު ކަމުގެ ދަށުން ރާއްޖޭގެ ސިއްޚީ ދާއިރާއަށް ވަނީ އިންގިލާބީ ބަދަލުތަކެއް ގެނެސް ދެއްވާފައެވެ.

ޕީޕީއެމްއިން ދަނީ ރައީސް ޔާމީންގެ ކެމްޕެއިން ހަރަކާތްތައް މުޅި ރާއްޖޭގައި ފެށުމަށް ތައްޔާރުވަމުންނެވެ. ރައީސް ޔާމީނަށް އިއްވާފައިވާ 11 އަހަރުގެ ޖަލު ހުކުމާއި ގުޅިގެން މިވަގުތު އެމަނިކުފާނަށް ވާދަކުރުމުގެ ފުރުސަތު ނެތް ނަމަވެސް ޕީޕީއެމްއިން އުންމީދު ކުރަނީ ހައިކޯޓުން ނުވަތަ ސްޕްރީމްކޯޓުން ރައީސް ޔާމީނަށް ރިޔާސީ އިންތިޚާބުގައި ވާދަކުރެވޭނެ މަގު ތަނަސް ކޮށްދެއްވާނެކަމަށެވެ.

ރިޔާސީ އިންތިހާބު ބޭއްވުމަށް އިލެކްޝަންސް ކޮމިޝަނުން ނިންމާފައިވަނީ ސެޕްޓެމްބަރުމަހުގެ 9 ވަނަ ދުވަހުއެެވެ. އަދި އިންތިޚާބުގެ 2 ވަނަ ބުރެއް ބާއްވަން ޖެހޭނަމަ ސެޕްޓެމްބަރު 30 ގައި ދެވަނަ ބުރުގެ ވޯޓުލުން ބޭއްވުމަށްވެސް ވަނީ ނިންމާފައެވެ.

ރިޔާސީ އިންތިޚާބުގައި ކެނޑިޑޭޓުންގެ ގޮތުގައި ވާދަކުރުމަށް ހުޅުވާލާނީ 23 ޖުލައިން 3 އޯގަސްޓުގެ ނިޔަލަށެވެ. އަދި ކެނޑިޑޭޓުންގެ ނަންތައް ތަރުތީބުކޮށް 9 އޯގަސްޓްގައި އިޢުލާންކުރައްވާނެއެވެ. ކެންޑިޑޭޓުން ކެމްޕެއިން ކުރުމަށް 10 އޯގަސްޓުން ފެށިގެން 8 ސެޕްޓެމްބަރާ ހަމައަށް ފުރުޞަތު ދެއްވުމަށްވެސް އިލެކްޝަންސް ކޮމިޝަނުން ވަނީ ނިންމަވާފައެވެ.