ރާއްޖޭގެ މަޝްހޫރު ޑައިރެކްޓަރު އިލްޔާސް ވަހީދު (އިއްލެ) ގެ ފިލްމު "ނީނާ" މި އަހަރުގެ އޮގަސްޓް 6 ގައި ބެލުންތެރިންނަށް ގެނެސްދޭން ނިންމައިފި އެވެ.
ރޭ ބޭއްވި ހާއްސަ ހަފުލާއެއްގައި "ނީނާ" ފިލްމުގެ ޕްރޮމޯޝަން ވަނީ ރަސްމީކޮށް ލޯންޗުކޮށްފަ އެވެ. އެ ހަފުލާގައި ފިލްމުގެ ރަސްމީ ޕޯސްޓަރުތަކެއްވެސް ވަނީ ދައްކައިލައިފައިއެވެ.
އާސިމް ޢަލީ އަދި އަޙްމަދު ވަހީދު ޕްރޮޑިއުސްކޮށް، 'އައި ފިލްމްސް' އިން ގެނެސްދޭ ނީނާ އަކީ 2019 ގެ ސައިކޮލިޖިކަލް ތުރިލާ "ބަވަތި" އަށް ފަހު އިއްލެ ގެނެސްދޭ ދެވަނަ ފީޗާ ފިލްމެވެ.
View this post on Instagram
2020 ވަނަ އަހަރުގެ ކުރީކޮޅު ޝުޓިން ވެސް ނިންމައިފައިވާ މި ފިލްމުގެ ބޮޑު ބައި ޝޫޓްކުރީ ލ. އަތޮޅުގަ އެވެ. އަންނަ އޮގަސްޓު މަހުގެ 6 ވަނަ ދުވަހުން ފެށިގެން މި ފިލްމުގެ 30 ޝޯ އޮލިމްޕަހުގައި ދެއްކުމަށް ވަނީ ހަމަޖެހިފަ އެވެ.
ނީނާގެ ލީޑުން ފެނިގެން ދާނީ އިއްލެ ގެނެސްދިން ފިލްމް "ބަވަތީ"ގެ ވެސް ލީޑުން ފެނިގެން ދިއަ ހުނަރުވެރި އެކްޓިންއެއް ދެއްކި ނުޒުހަތު ޝުޢައިބް އެވެ. ފިލްމްގެ ކާސްޓުގައި ފިލްމީ ދާއިރާއަށް އަލަށް ތަޢާރަފުވާ ޝަރަފް ޢަބްދުﷲ، ހަމްދޫން ފާރޫގް، ޖުމައްޔިލް ނިމާލް، މަރިޔަމް ރަޝީދާ އަދި މަރިޔަމް ޝަކީލާ ހިމެނެއެވެ.
View this post on Instagram
މީގެ އިތުރުން ވެސް މި ފިލްމް އިން އާދަމް ރިޒްވީ (ރެކްސް)، ނަތާޝާ ޖަލީލް، ޢަލީ އިނާޒް، ފީޗާ ފިލްމަކަށް އަލަށް ތަޢާރަފްވާ ޓިކްޓޮކްގެ މަޝްހޫރު ތަރި އިބްރާހިމް ޝާއިފް (ޑެވިލް ޝާއިފް)، އަލަށް ތަޢާރަފްވާ ޙަސަން ސާމިހް މުޙައްމަދު، ހަސަން ޝިނާން (ޝިންޓޭ) އަދި އައިޝާ އަލީ ވެސް ހިމެނެއެވެ.
