މަކުނުދޫގައި އަލިފާން ރޯވެ ގެއެއް ވެއްޓިއްޖެއެވެ.
އަލިފާން ރޯވީ ގޭސް ފުޅިއެއް ގޮވައިގެން ކަމަށް ބެލެވޭ ކަމުގައި އެރަށުން މައުލޫމާތު ދިން މީހުން ބުނެއެވެ. ނަމަވެސް ކައުންސިލް މެންބަރަކު ވިދާޅުވީ ބެލެވޭ ގޮތުގައި އަލިފާން ރޯވީ ވެއްޓުނު ގެއާއި އިންވެގެން ހުރި ފިހާރައެއްގައި އަލިފާން ރޯވެ، އަލިފާން ފެތުރިގެން ދިއުމުން ކަމަށް ބެލެވެއެވެ.
އާއްމުވެފައިވާ ވީޑިއޯތަކުން ފެންނަ ގޮތުގައި މުޅި ގޭގައި އަލިފާން ރޯވެ، ގޭގެ ފާރުތައް ވެސް މިހާރު ވަނީ ވެއްޓިފައެވެ. އަލިފާން ރޯވިއިރު ގޭގައި އެއްވެސް މީހަކު ނެތް ކަމަށް މައުލޫމާތު ލިބެއެވެ. އެއީ ހަތަރު މީހަކު ދިރިއުޅޭ ގެއެކެވެ.
ކައުންސިލް މެމްބަރު ވިދާޅުވީ، މި ޙާދިސާ ހިނގުމާއެކު އެގޭގައި އެވަގުތު ދިރިއުޅެމުންދިޔަ 4 މީހަކު ރައްކާތެރިކަމާއެކު ގެއިން ނެރެ ތަން ހުސްކޮށްފައިވާކަމަށެވެ. އަދި އެއްވެސް މީހަކަށް މި ޙާދިސާގައި އަނިޔާވެފައިނުވާކަމަށާއި، މި 4 މީހުންވެސް އެމީހުންގެ އާއިލާ މެންބަރެއްގެ ގެއަށް ބަދަލުކޮށްފައިވާކަމަށެވެ.
އެގޭގައި ރޯވި އަލިފާންގަނޑު މީގެ ކުޑަ ވަގުތުކޮޅެއް ކުރިން ކޮންޓްރޯލްކޮށް ނިއްވާލާފައެވެ.
