ނ. އަތޮޅު ހޮސްޕިޓަލުގައި އައިސީޔޫއެއް ޤާއިމްކުރުމުގެ މަސައްކަތް އެލް.އެމް.އޭ އިންވެސްޓްމަންޓް އާއި ހަވާލުކޮށްފިއެވެ.
ހެލްތު މިނިސްޓްރީން އެ ކުންފުންޏާއި ނ އަތޮޅު ހޮސްޕިޓަލުގެ އައިސީޔޫ ޤާއިމްކުރުމުގެ މަސައްކަތް ހަވާލުކޮށްފައިވަނީ 150 ދުވަހުގެ ތެރޭގައި މަސައްކަތް ނިންމާ ގޮތަށް 4.6 މިލިޔަން ރުފިޔާއަށެވެ.
މި އެއްބަސްވުމުގައި މިނިސްޓްރީ އޮފް ހެލްތުގެ ފަރާތުން ސޮއިކުރެއްވީ ސީނިއަރ އެގްޒެކެޓިވް ޑައިރެކްޓަރ ޢަބްދުލް ޙަންނާނު ޙުސައިންއެވެ. އަދި އެލް.އެމް.އޭ އިންވެސްޓްމަންޓްގެ ފަރާތުން ސޮއިކުރެއްވީ މެނޭޖިންގ ޑައިރެކްޓަރ މުޙައްމަދު އަނަސްއެވެ.
