މިއަހަރު މިހާތަނަށް އެންމެ ގިނައިން އަތުލީ ކެނަބިސް

މިއަހަރު މިހާތަނަށް އެންމެ ގިނައިން އަތުލީ ކެނަބިސް

ގުޅުންހުރި

މިއަހަރުގެ ފުރަތަމަ 4 މަސްދުވަހު ފުލުހުންގެ ބެލުމުގެ ދަށަށް އެންމެ ގިނައި ގެނެވިފައިވާ މަސްތުވާތަކެތީގެ ބާވަތަކީ ކެނަބިސް ކަމުގައި ފުލުހުންގެ ތަފާސް ހިސާބުތަކުން ދައްކައިފިއެވެ.

ފުލުހުން އާންމު ކޮށްފައިވާ ހިސާބުތަކަށް ބަލާއިރު އެޕްރިލްމަހުގެ ނިޔަލަށް ފުލުހުންގެ ބެލުމުގެ ދަށަށް ގެނެސްފައިވާ މަސްތުވާ ބާވަތެއްކަމަށްވާ ކެނެބިސްގެ ބަރުދަން 8.8 ކިލޯއަށް އަރައެވެ. ދެވަނައަށް އެންމެ ގިނައިން އަތުލާފައިވާ ކޮކެއިންގެ ބަރުދަން 2 ކިލޯއަށް އަރައެވެ.

ފުލުހުން އާންމުކޮށްފައިވާ ހިސާބުތަކަށް ބަލާއިރު މިއަހަރުގެ ފުރަތަމަ ކުއާޓަރުގައި ފުލުހުން ވަނީ ގްރޭޓަރމާލޭ ސަރަހައްދާއި ގުޅުންހުރި މަސްތުވާތަކެތީގެ 268 މައްސަލައެއް ބަލާފައެވެ. އޭގެ ތެރެއިން މާލޭ ސިޓީއަށް ނިސްބަތްވާ 198 މައްސަލައެއް ހިމެނޭއިރު 62 މައްސަލައަކީ ހުޅުމާލެއާއި ގުޅުންހުރި މައްސަލަތަކެވެ. އަދި، 125 މައްސަލަ މާފަންނަށް، 20 މައްސަލައެއް މައްޗަންގޯޅިގައި އަދި 34 މައްސަލައެއް ނިސްބަތްވަނީ ހެންވޭރަށެވެ. 3 މައްސަލައެއް ހިގާފައިވަނީ ވިލިމާލޭގައެވެ. އަދި އެއަރޕޯޓުގައި މަސްތުވާތަކެއްޗާއި ގުޅޭ 5 މައްސަލައެއް ހިނގާފައި ވެއެވެ.

މިއަހަރުގެ ފުރަތަމަ ކުއާޓަރުގައި މަސްތުވާތަކެތީގެ މައްސަލަތަކުގައި ޖުމްލަ 331 މީހަކު ފުލުހުން ހައްޔަރު ކޮށްފައިވާއިރު އޭގެތެރެއިން 314 މީހުންނަކީ ދިވެހިންނެވެ. 17 މީހުންނަކީ އެހެން ގައުމުތަކަށް ނިސްބަތްވާ މީހުންނެވެ. ހައްޔަރު ކުރެވުނު 331 މީހުންގެ ތެރެއިން 314 މީހުންނަކީ ފިރިހެނުންނެވެ. 16 މީހުންނަކީ އަންހެނުންނެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *

ފަހުގެ